०८ ऑक्टोबर २०२०-२१ चे वार्षिक भविष्य

अभिनेता चिन्मय उदगीरकर, अभिनेत्री मधुरा वेलणकर, सुलेखा तळवळकर, माजी क्रिकेटपटू समीर दिघे यांचा आज वाढिदवस आहे. यांसह आज जन्मदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मदिवस असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर शुक्र आणि बुध या दोन ग्रहांचा प्रामुख्याने प्रभाव राहील. ऑक्टोबर आणि नोव्हेंबर महिन्यात मुख्यत्वे करून कलात्मक, रचनात्मक कार्यांवर भर राहील. राजकीय क्षेत्रातील व्यक्तींना काही ना काही यश मिळत राहील.

चंद्राचा मिथुन प्रवेश : 'या' ८ राशींना फायदेशीर; आजचे राशीभविष्य

डिसेंबर ते जानेवारी २०२१ या कालावधीत कार्यक्षेत्रातील वरिष्ठ अधिकाऱ्यांकडून लाभ होऊ शकतील. महिला वर्गाची मदत आणि सहकार्य मोलाचे आणि महत्त्वाचे ठरू शकेल. फेब्रुवारी आणि मार्च महिन्यात मनासारखा जोडीदार मिळण्याचे योग प्रबळ. विवाहाची बोलणी पुढे सरकतील. एप्रिल व मे महिन्यात विनाकारण घडलेल्या कामांमुळे काही ना काही समस्या उद्भवू शकतील.

जून व जुलै महिन्यात कार्य विस्तार होऊ शकेल. ऑगस्ट व सप्टेंबर महिन्यात दिनक्रम अतिशय व्यस्त राहू शकेल. मात्र, त्यातून अपेक्षित परिणाम साध्य होतीलच, असे नाही. सप्टेंबर महिन्यात मेहनत आणि परिश्रमाचे उत्तम फळ, लाभ मिळण्यास सुरुवात होऊन मनोरथ सिद्धिकारक काळ ठरू शकेल. विद्यार्थ्यांना या आगामी वर्षात अपेक्षित यशासाठी अधिक मेहनत घ्यावी लागेल. महिला वर्गासाठी आगामी वर्ष उत्तम असेल.