०९ डिसेंबर २०२०-२१ चे वार्षिक भविष्य

बॉलिवूडचे ज्येष्ठ अभिनेते शत्रुघ्न सिन्हा, अभिनेत्री दिया मिर्जा, रागिनी खन्ना, अभिनेता डिनो मोरिया, काँग्रेस अध्यक्षा सोनिया गांधी, नेत्या प्रणिती शिंदे, खासदार पूनम महाजन राव यांचा वाढदिवस आहे. यांसह आज जन्मदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मतिथी असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर शुक्र, मंगळ या दोन ग्रहांचा प्रामुख्याने प्रभाव राहू शकेल. डिसेंबर महिन्यात अचानक लाभ मिळू शकेल. जानेवारी २०२१ मध्ये अनेक दिवसांपासून प्रलंबित राहिलेल्या योजना पूर्णत्वास जाऊ शकतील. मित्रांचे उत्तम सहकार्य लाभेल.

मीन : सरकारी कामे मार्गी लागतील; वाचा, आजचे राशीभविष्य

फेब्रुवारी व मार्च महिन्यात रचनात्मक कार्यातील गोडी वाढून त्यात अधिक वेळ व्यतीत होऊ शकेल. मान, सन्मान वृद्धिंगत होतील. स्पर्धेत यश मिळू शकेल. एप्रिल महिन्यात इच्छा नसताना प्रवास करावे लागू शकतील. बोलताना तारतम्य बाळगावे. वार्ता सारगर्भित ठेवावी. मे व जून महिन्यात आपल्या कार्यकौशल्याचे कौतुक केले जाईल.

जुलै आणि ऑगस्ट महिन्यात जीवनस्तर वाढेल. हितशत्रू, विरोधक परास्त होतील. सप्टेंबर व ऑक्टोबर महिना दिलासादायक ठरेल. नोव्हेंबर महिन्यात आर्थिक स्थिती सुधारेल. आगामी वर्ष महिलांसाठी उत्तम ठरू शकेल. विद्यार्थी वर्गाने कठोर मेहनत आणि अथक परिश्रम घेतले, तरच अपेक्षित यश मिळू शकेल. शक्य असल्यास नियमितपणे सूर्याला अर्घ्य द्यावे. हनुमान चालीसा पठण करणे कल्याणकारी सिद्ध होऊ शकेल.