०९ नोव्हेंबर २०२०-२१ चे वार्षिक भविष्य

प्रसिद्ध अभिनेते सुबोध भावे, पंकज धीर, कवी, गीतकार, अभिनेते किशोर कदम ऊर्फ सौमित्र, शास्त्रीय गायिका श्रुती सडोलीकर, ज्येष्ठ निवेदक, सूत्रसंचालक प्रदीप भिडे यांचा वाढदिवस आहे. यांसह आज जन्मदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मदिवस असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला आढावा...

आगामी वर्षात आपल्यावर बुध, शुक्र या दोन ग्रहांचा प्रामुख्याने प्रभाव राहील. या आगामी वर्षभरात मिळकतीत उत्तम वाढ झाल्याचे पाहायला मिळू शकेल. नोव्हेंबर व डिसेंबर महिन्यात रोजगाराच्या नवीन संधी उपलब्ध होतील. बुधच्या प्रभावामुळे बौद्धिक क्षेत्रात कार्यरत असणाऱ्या व्यक्तींना उत्तम कालावधी. मान, सन्मान, प्रतिष्ठा मिळेल.

चंद्राचा सिंह प्रवेश : 'या' ९ राशींना चांगला दिवस; आजचे राशीभविष्य

जानेवारी ते फेब्रुवारी २०२१ या कालावधीत तंत्रज्ञानाच्या क्षेत्रात कार्यरत असणाऱ्या व्यक्तींना चांगला फायदा मिळेल. पद, प्रसिद्धी प्राप्त होऊ शकतील. मार्च व एप्रिल महिन्यात कुटुंबात काही समस्या उद्भवू शकतील. मे महिन्यात सुरुवातीच्या संघर्षानंतर यश व प्रगतीचे मार्ग साध्य होऊ शकतील.

जून आणि जुलै महिन्यात प्रवास लाभकारक सिद्ध होतील. ऑगस्ट व सप्टेंबर महिन्यात घरात मंगलकार्याच्या आयोजनावर महत्त्वाची चर्चा होईल. ऑक्टोबर महिन्यात प्रलंबित येणी प्राप्त होऊ शकतील. आगामी वर्षात विद्यार्थ्यांना नियमितपणे मेहनत, परिश्रम केल्यास अपेक्षित यशप्राप्ती होऊ शकेल. महिलांसाठी आगामी वर्ष उत्तम असेल. ज्ञान वृद्धिसाठी योग्य सल्ला घेतल्यानंतर पुष्कराज धारण करणे हिताचे ठरेल.