११ ऑगस्ट २०२०-२१ चे वार्षिक भविष्य

बॉलिवूडमधील प्रसिद्ध अभिनेते सुनील शेट्टी यांचा आज जन्मदिवस आहे. सुनील शेट्टी यांच्यासह आज वाढदिवस असणाऱ्यांना उज्ज्वल भविष्यासाठी उत्तमोत्तम शुभेच्छा...

महाराष्ट्र टाइम्स.कॉम

आज जन्मदिवस असणाऱ्यांना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला आढावा...

आगामी वर्षात आपल्यावर मंगळ, बुध या दोन ग्रहांचा प्रामुख्याने प्रभाव असेल. मंगळ भूमीचा स्वामी, युद्ध प्रिय, साहसी, अग्रणी आणि व्यवस्थापक मानला जातो. तर, बुध बौद्धिक गुणांचा कारक आणि कौशल्य वृद्धी करणारा मानला गेला आहे.

ऑगस्ट व सप्टेंबर महिन्यात भौतिक, कौटुंबिक, वाहन सुख प्राप्त होईल. नव्या घराची योजना आखाला. ऑक्टोबर आणि नोव्हेंबर हितशत्रूंचा त्रास संभवतो. विरोधकांच्या कारवाया त्रस्त करण्यासाठी शक्यता. मात्र, केवळ आपण आपल्या ध्येयाकडे वाटचाल केल्यास हितशत्रूंचा आपसूक पराभव होईल.

जगत्कल्याणासाठी 'आता विश्वात्मके देवे'चे पसायदान मागणारे संत ज्ञानेश्वर

डिसेंबर ते जानेवारी २०२१ या कालावधीत घरात मंगल कार्यांचे आयोजन केले जाईल. फेब्रुवारी व मार्चमध्ये आरोग्यात उत्तम सुधारणा होईल. आप्तेष्टांचा गराडा आपल्याभोवती राहील. एप्रिल व मे महिन्यातील दिनक्रम अतिशय व्यस्त राहील. तीर्थाटन, पर्यटनाचे योग आहेत.

जून व जुलै या महिन्यांत पराक्रम, पुरुषार्थ वृद्धी होईल. आगामी वर्ष विद्यार्थ्यांसाठी उत्तम राहील. भाग्याचा भक्कम पाठिंबा लाभेल. महिलांसाठी आगामी वर्ष मनातील इच्छा पूर्ण करणारे समृद्धदायक ठरू शकेल.