१३ जुलै २०२०-२१ चे वार्षिक राशीभविष्य

आज जन्मदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज वाढदिवस असणाऱ्यांना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला आढावा...

आगामी वर्षात आपल्यावर सूर्य आणि मंगळ या दोन ग्रहांचा प्रामुख्याने प्रभाव राहील. सूर्य, केतु आणि शनी यांच्या त्रिग्रही योगामुळे जुलै महिन्यात जोखीम पत्करून केलेली कामे यशाकडे नेतील. ऑगस्ट व सप्टेंबर महिन्यात एखादा जुना राजकीय वाद संपुष्टात येण्याची चिन्हे आहेत.

वृश्चिक: महत्त्वाच्या कामात यश मिळेल; वाचा, आजचे राशीभविष्य

ऑक्टोबर महिन्यात काही समस्यांना सामोरे जावे लागेल. मात्र, याच कालावधीत त्या समस्यांचे निराकरण होईल. एखाद्या अडचणीतून बाहेर पडण्याचा मार्ग सापडेल. नोव्हेंबर आणि डिसेंबर महिना व्यापार, व्यवसाय व उद्योग क्षेत्रातील व्यक्तींना कष्टदायक असेल.

जानेवारी ते फेब्रुवारी २०२१ या कालावधीत कौटुंबिक प्रश्न मार्गी लागू शकतात. मार्च व एप्रिल महिन्यात मित्रांच्या सहकार्यामुळे विचलित झालेले मन आनंदी होईल. मनःशांती लाभेल. मे महिन्यात पर्यटनाचे योग आहेत.

कधी सुरु होणार श्रावण? 'ही' वैशिष्ट्ये तुम्हालाही करतील थक्क; वाचा

जून महिन्यात एखाद्या नवीन कार्यक्षेत्राशी संबंध येण्याचे संकेत आहेत. आगामी वर्ष महिलांसाठी जीवनस्तर वाढवणारे सिद्ध होऊ शकते. आगामी वर्षात बहुतांश व्यक्तींना उत्पन्न वाढवणारी साधने उपलब्ध होतील. मिळकत वाढेल. विद्यार्थ्यांनी मेहनत, परिश्रम यांची कास न सोडल्यास अपेक्षित यश प्राप्त होऊ शकते.