१३ ऑक्टोबर २०२०-२१ चे वार्षिक भविष्य

अभिनेत्री स्पृहा जोशी, कादंबरी कदम, अभिनेते शरद पोंक्षे, ज्येष्ठ गायिका योजना शिवानंद, बॉलिवूड अभिनेत्री पूजा हेगडे यांचा वाढदिवस आहे. यांसह आज जन्मदिवस असणाऱ्या सर्वांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मदिवस असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर चंद्र आणि मंगळ या दोन ग्रहांचा प्रामुख्याने प्रभाव राहील. चंद्राच्या प्रभावामुळे आपले परिश्रम उजेडात येतील. बौद्धिक प्रयत्नांमुळे अपेक्षित यश मिळू शकेल. ऑक्टोबर व नोव्हेंबर महिन्यात अचानक धनलाभ होण्याचे योग प्रबळ होऊ शकतील. अन्य लाभाच्या संधी प्राप्त होऊ शकतील.

पुरुषोत्तम परमा एकादशी व्रतपूजन कसे करावे? मुहूर्त, महत्त्व व मान्यता

डिसेंबर ते जानेवारी २०२१ या कालावधीत मंगळ ग्रहाचा आपल्या कार्यक्षेत्रावर प्रामुख्याने प्रभाव दिसून येऊ शकेल. फेब्रुवारी आणि मार्च महिन्यातही हा प्रभाव कायम राहील. एप्रिल व मे महिन्यात नवीन व्यापारिक कार्याची संधी मिळू शकेल.

जून महिन्यात भाग्योदयाचे संकेत आहेत. जुलै आणि ऑगस्ट महिन्यात धनसंचय व बचतीच्या योजना यशस्वी होऊ शकतील. आगामी वर्ष महिलांसाठी समृद्धीदायक आणि दाम्पत्य जीवन सुखमय करणारे ठरू शकेल. विद्यार्थ्यांना आगामी वर्ष उत्साहवर्धक ठरू शकेल.