१४ ऑगस्ट २०२०-२१ चे वार्षिक भविष्य

अभिनेता जॉनी लिव्हर, पार्श्वगायिका सुनिधी चौहान, माजी क्रिकेटपटू प्रवीण आमरे यांचा वाढदिवस आहे. या सर्वांसह आज जन्मदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज वाढदिवस असणाऱ्यांना आगामी वर्ष कसे जाईल, याचा आचार्य कृष्ण दत्त शर्मा यांनी घेतलेला हा आढावा...

आगामी वर्षात आपल्यावर शनी, मंगल, शुक्र या तीन ग्रहांचा प्रामुख्याने प्रभाव राहील. आगामी वर्ष शुभ लाभदायक असेल, असे सांगितले जात आहे. मात्र, आगामी कालावधीत हितशत्रूंचा त्रास संभवतो. कामात चोख राहिल्यास हितशत्रूंच्या कारवाया निष्प्रभ ठरतील. ऑगस्ट महिन्यात नियोजित दिनक्रमात किंचित बदल केल्यास लाभ मिळतील.

शेवटचा श्रावणी शुक्रवार : जिवतीच्या कागदाचा नेमका भावार्थ काय? वाचा

सप्टेंबर व ऑक्टोबर महिन्यात मुलांच्या आरोग्याची आणि भविष्याची चिंता लागू राहील. याचा आपल्या आरोग्यावरही परिणाम होऊ शकतो. काळजी घेणे उत्तम राहील. नोव्हेंबर आणि डिसेंबर महिन्यात प्रलंबित कामे मार्गी लागतील. यश व प्रगतीचे मार्ग प्रशस्त होतील.

जानेवारी ते फेब्रुवारी २०२१ या कालावधीत घरात मंगल कार्ये घडण्याचे योग आहेत. मार्च व एप्रिल महिन्यात पर्यटन, देशाटन वा तीर्थाटनाच्या योजना आखाल. मे महिन्यात ज्ञानात भर पडणाऱ्या घटना घडतील. मनोरंजनावर वेळ आणि पैसा खर्च होईल. कंटाळवाणे झालेले मन ताजेतवाने होईल. मानसिक शांतता लाभेल. आगामी वर्ष महिलांसाठी उत्तम राहील. कठोर मेहनत आणि अथक परिश्रम घेतल्यावरच विद्यार्थ्यांना अपेक्षित यशप्राप्ती होऊ शकेल.