१४ नोव्हेंबर २०२०-२१ चे वार्षिक भविष्य

ज्येष्ठ पत्रकार नीला उपाध्ये, ज्येष्ठ गायक रघुनाथ फडके, ज्येष्ठ तबलावादक पं. नाना मुळ्ये, ज्येष्ठ रंगकर्मी अरविंद मुखेडकर, क्रिकेटपटू हृषिकेश कानिटकर यांचा जन्मदिवस आहे. यांसह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

महाराष्ट्र टाइम्स.कॉम

आज वाढदिवस असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला आढावा...

आगामी वर्षात आपल्यावर मंगळ, चंद्र ग्रहाचा प्रामुख्याने प्रभाव राहील. आगामी कालावधीत आपण घेत असलेली मेहनत, परिश्रम सर्वांसमोर येतील. बौद्धिक कौशल्यावर कामे यशस्वीरित्या पूर्ण झाल्याचा आनंद होईल. नोव्हेंबर व डिसेंबर महिन्यात काही व्यक्तींना अचानक धनलाभाचे संकेत आहेत.

सूर्य-बुध शुभ योग : 'या' ५ राशींना लाभाचा दिवस; आजचे राशीभविष्य

जानेवारी ते फेब्रुवारी २०२१ या कालावधीत मंगळ ग्रहाचा आपल्या कार्यक्षेत्रावर मोठा प्रभाव राहील. मार्च व एप्रिल महिना सामान्य असेल. मे व जून महिन्यात नवीन कार्यारंभ, व्यापार, व्यवसाय सुरू करण्यासाठी अत्यंत अनुकूल असेल.

जुलै महिन्यात बहुतांश व्यक्तींच्या भाग्योदयाचे संकेत. ऑगस्ट व सप्टेंबर महिन्यात धनप्राप्तीचे योग आहेत. ऑक्टोबर महिना सामान्य असेल. विद्यार्थी वर्गाला आगामी वर्ष उत्साहवर्धक असेल. महिला वर्गासाठी आगामी वर्षाचा उत्तरार्ध दाम्पत्य जीवन सुखमय करणारा तसेच सुख, समृद्धीदायक ठरू शकेल.