१८ डिसेंबर २०२०-२१ चे वार्षिक भविष्य

क्रिकेट प्रशिक्षक लालचंद राजपूत, चित्रपट निर्माता, दिग्दर्शक मोहन परब यांचा जन्मदिवस आहे. आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मतिथी असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला आढावा...

आगामी वर्षात आपल्यावर सूर्य, बुध, आणि गुरु या तीन ग्रहांचा प्रामुख्याने प्रभाव राहील. डिसेंबर ते जानेवारी २०२१ या कालावधीत नवीन ऊर्जा आणि सकारात्मकता यामुळे उत्साहात कार्यरत राहाल. आत्मविश्वास वृद्धिंगत होईल. सुरुवातीला कठीण वाटणारी कामे सुलभतेने पार पाडाल.

चंद्राचा मकर प्रवेश : 'या' ७ राशींना उत्तम दिवस; आजचे राशीभविष्य

फेब्रुवारी व मार्च महिन्यात समस्या, आव्हानांना सामोरे जावे लागेल. हा कालावधी काहीसा कष्टकारक, तणावपूर्ण राहू शकेल. एप्रिल व मे महिन्यात काही संवेदनशील घटना घडू शकतील. जून व जुलै महिन्यात व्यापारी, व्यवसायिकांचा नव्या योजनांवर भर राहू शकेल. नवीन ओळखी होतील. याचा भविष्यात उत्तम लाभ संभवतो.

ऑगस्ट महिन्यात कार्यक्षेत्रात परिवर्तन होऊ शकेल. सप्टेंबर महिन्यात शुभवार्ता मिळेल. व्यापार, व्यवसाय गतिमान होईल. ऑक्टोबर महिन्यात कुटुंबात मंगलकार्याच्या आयोजनावर चर्चा होऊ शकेल. नोव्हेंबर महिन्यात बुद्धी कौशल्य, नियोजन, चातुर्य, व्यवस्थापनाच्या जोरावर हाती घेतलेली कामे वेळेत व यशस्वीरित्या पूर्ण करू शकाल. आगामी वर्ष महिलांसाठी मनोवांच्छित इच्छा पूर्ण करणारे तसेच मान, सन्मान वाढवणारे ठरू शकेल. विद्यार्थ्यांना मेहनत आणि परिश्रम घेतल्यावरच अपेक्षित परिणाम साध्य होऊ शकतील.