१८ सप्टेंबर २०२०-२१ चे वार्षिक भविष्य

अभिनेत्री प्रिया बापट, ज्येष्ठ अभिनेत्री शबाना आझमी, केतकी विलास, खासदार अमोल कोल्हे, आमदार कुणाल पाटील, लेखिका अनुराधा फाटक, कवी सुधाकर गायधनी यांचा वाढदिवस आहे. या सर्वांसह आज जन्मदिवस असणाऱ्या सर्वांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मदिवस असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर बुध आणि सूर्य ग्रहाचा प्रामुख्याने प्रभाव राहील. सप्टेंबर महिन्यात आपले हितचिंतक संपर्कात राहतील. आपल्याला शुभेच्छा मिळत राहतील. आपल्या उज्ज्वल भविष्याची कामना केली जाईल. ऑक्टोबर व नोव्हेंबर महिन्यात विस्कळीत झालेली तसेच प्रलंबित कामे प्राधान्याने मार्गी लावण्याचा प्रयत्न कराल.

कन्या-मिथुन राशीच्या व्यक्तींना त्रिग्रही संयोगाचा लाभ; आजचे राशीभविष्य

डिसेंबर ते जानेवारी २०२१ या कालावधीत हातून चांगली कार्ये घडल्याचा आनंद मिळेल. मानसिक शांतता आणि प्रसन्नता लाभेल. फेब्रुवारी व मार्च महिन्यात कामकाजासाठी नवे मार्ग खुले होऊ शकतील. एप्रिल महिन्यात व्यापार, व्यवसाय, उद्योग गतिमान होऊ शकतील. मे महिना नोकरदार वर्गासाठी अनुकूल राहील.

जून महिन्यात कुटुंबाच्या सर्व जबाबदाऱ्या योग्य पद्धतीने पार पाडू शकाल. शिक्षण, ज्ञान-विज्ञानाच्या क्षेत्रात विशेष रुची निर्माण होईल. जुलै आणि ऑगस्ट महिन्यात काही समस्यांचे निराकरण होईल. आगामी वर्ष महिलांसाठी आर्थिक पक्ष सुदृढ करणारे ठरू शकेल. विद्यार्थ्यांना मेहनत आणि परिश्रमांनंतर अपेक्षित यश साध्य करता येऊ शकेल.