१९ ऑगस्ट २०२०-२१ चे वार्षिक भविष्य

ज्येष्ठ शास्त्रीय गायक पं. चंद्रकांत लिमये, ज्येष्ठ लेखिका सुधा मूर्ती यांचा वाढदिवस आहे. या दोन दिग्गजांसह आज जन्मदिवस असणाऱ्या सर्वांना उज्ज्वल भविष्यासाठी उत्तमोत्तम हार्दिक शुभेच्छा...

आज वाढदिवस असणाऱ्यांना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला आढावा...

आगामी वर्षात आपल्यावर चंद्र, गुरु आणि शुक्र या तीन ग्रहांचा प्रामुख्याने प्रभाव राहील. कामाचा व्याप वाढता राहील. कामे उरकण्याच्या ओघात झालेली एखादी चूक किंवा निष्काळजीपणा अपयश आणि निराशेचे कारण बनू शकतो. ऑगस्ट महिन्यात प्रलंबित कामे प्राधान्याने पूर्णत्वास न्यावीत.

वृश्चिक : नोकरीत अधिकार प्राप्त होतील; वाचा, आजचे राशीभविष्य

सप्टेंबर महिन्यात कामाचा ओघ सुरू राहील. मात्र, दिलेला शब्द पाळला नाही, तर आपल्याबद्दल अविश्वासाचे निर्माण होऊ शकतो. ऑक्टोबर महिन्यात दिनक्रमात केलेला छोटासा बदल मोठे लाभ देऊ शकतो. नोव्हेंबर आणि डिसेंबर महिन्यात आरोग्याची काळजी घ्यावी. धावपळीचा आरोग्यावर परिणाम होऊ शकतो.

जानेवारी ते फेब्रुवारी २०२१ अधिक मेहनत करावी लागू शकते. काही पैसे खर्ची घातल्यावर प्रलंबित कामे मार्गी लागू शकतात. मार्च व एप्रिल महिन्यात मंगलमय योजना आखाल. एखाद्या मंगलकार्यात सहभागी होण्याची संधी प्राप्त होईल. मे महिन्यात तीर्थाटन, देशाटनाचे योग आहेत. जुन व जुलै महिन्यात ज्ञानात भर पडेल, अशा गोष्टी घडतील. मनोरंजनावर झालेला खर्च लाभदायक ठरेल. मानसिक शांतता, प्रसन्नता लाभेल. भावंडांच्या मदतीने नवीन योजना मार्गी लावाल. आगामी वर्ष महिला आणि विद्यार्थ्यांसाठी उत्तम ठरेल. शक्य असल्यास नियमितपणे सुंदरकांड पठण करावे.