२० नोव्हेंबर २०२०-२१ चे वार्षिक भविष्य

बॉलिवूड दिग्दर्शक राजकुमार हिरानी, अभिनेत्री शिल्पा शिरोडकर, ज्येष्ठ अभिनेत्री सुहासिनी मुळ्ये यांचा वाढदिवस आहे. यांसह आज जन्मदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मतिथी असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर शुक्र, सूर्य आणि बुध ग्रहाचा प्रामुख्याने प्रभाव राहील. नोव्हेंबर महिन्यात आपण घेत असलेली मेहनत, परिश्रम उजेडात येतील. बौद्धिक कौशल्य वापरून केलेल्या कामांमध्ये यश व प्रगतीचे मार्ग प्रशस्त होऊ शकतील. डिसेंबर महिन्यात नवीन नोकरीच्या संधी शोधत असलेल्या व्यक्तींना आनंदवार्ता मिळतील.

त्रिग्रही योग : 'या' ७ राशींना लाभाचा दिवस; आजचे राशीभविष्य

जानेवारी २०२१ मध्ये बहुतांश व्यक्तींना अचानक धनलाभाचे योग प्रबळ होऊ शकतील. फेब्रुवारी व मार्च महिन्यात छोटे प्रवास संभवतात. एप्रिल व मे महिन्यात मंगळ ग्रहाचा आपल्या कार्यक्षेत्रावर प्रामुख्याने प्रभाव राहील. नवीन ऊर्जा आणि सकारात्मकता यामुळे उत्साहाने कार्यरत राहाल. साहस वाढेल.

जून महिना व्यापारी वर्गासाठी उत्तम लाभदायक ठरू शकेल. जुलै आणि ऑगस्ट महिन्यात भाग्योदयाचे संकेत. बुद्धिबल, मनोबल वाढीस लागेल. सप्टेंबर व ऑक्टोबर महिना उत्तम असेल. स्पर्धक कंपनीकडून नवीन संधी प्राप्त होऊ शकते. आगामी वर्ष विद्यार्थी वर्गासाठी उत्साहवर्धक असेल. तर, महिलांसाठी आगामी वर्ष मनोकामना पूर्ण करणारे ठरू शकेल.