२० ऑक्टोबर २०२०-२१ चे वार्षिक भविष्य

माजी क्रिकेटपटू वीरेंद्र सेहवाग, अभिनेता अतुल तोडणकर, लेखिका वृषाली मगदूम, नृत्यांगना पूजा पंत यांचा वाढदिवस आहे. या सर्वांसह आज जन्मदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

महाराष्ट्र टाइम्स.कॉम

आज जन्मतिथी असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला आढावा...

आगामी वर्षात आपल्यावर मंगळ, बुध या दोन ग्रहांचा प्रामुख्याने प्रभाव राहील. ऑक्टोबर व नोव्हेंबर महिन्यात घरातील सुख साधनांमध्ये भर पडू शकेल. वाहन, घर, मालमत्ता, जागा घेण्याचे योग प्रबळ होऊ शकतील.

चौथी माळ : नवदुर्गेतील चौथे स्वरुप कूष्मांडा देवी; वाचा, महत्त्व व मान्यता

डिसेंबर ते जानेवारी २०२१ या कालावधीत हितशत्रूंचा त्रास संभवतो. मात्र, कालांतराने हितशत्रू आणि विरोधक नामोहरम होतील. फेब्रुवारी व मार्च महिन्यात घरात मंगलकार्याच्या आयोजनाबाबत चर्चा होऊ शकेल. मान, सन्मान, प्रतिष्ठा वृद्धिंगत करणाऱ्या घटना घडतील. एप्रिल आणि मे महिन्यात आरोग्यात उत्तम सुधारणा झाल्याचे दिसून येऊ शकेल.

जून व जुलै महिन्यात दिनक्रम व्यस्त राहू शकेल. धावपळ होईल. व्यापार विस्ताराच्या योजना अमलात येऊ शकतील. आप्तेष्टांची रेलचेल असेल. पर्यटन, देशाटनाच्या योगाचे संकेत. ऑगस्ट आणि सप्टेंबर महिन्यात अनुकूल ग्रहमानामुळे हाती घेतलेली कामे पूर्ण होऊन यश व प्रगतीचे मार्ग प्रशस्त होऊ शकतील. प्रसिद्धी मिळेल. आगामी वर्ष विद्यार्थ्यांसाठी उत्तम असेल. महिलांसाठी आगामी वर्ष मनोरथ सिद्ध करणारे ठरू शकेल.