२२ जून २०२०-२१ चे वार्षिक राशीभविष्य

नाट्यनिर्माते प्रसाद कांबळी व अभिनेता जोसेफ विजय यांचा आज जन्मदिवस आहे. या दोघांसह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज वाढदिवस असणाऱ्यांना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला आढावा...

धनु: वास्तविकतेला धरून निर्णय घ्या; वाचा, आजचे राशीभविष्य

आगामी वर्षात आपल्यावर शुक्र, बुध या ग्रहांचा प्रभाव राहील. बहुतांश व्यक्तींच्या उत्पन्नाच्या स्रोतांमध्ये वाढ होऊन मिळकतीच्या नव्या संधी प्राप्त होतील. जून व जुलै महिन्यात स्वहिमतीवर रोजगाराच्या संधीचे सोने करण्याचे उत्तम योग आहेत. बुध ग्रहाच्या प्रभावामुळे बौद्धिक कार्याशी संबंधित व्यक्तींची सामाजिक प्रतिष्ठा, मान, सन्मान वाढेल.

आषाढी एकादशी वारी २०२०: पालखी - ताटी उघडा ज्ञानेश्वरा...

ऑगस्ट व सप्टेंबर महिन्यात तंत्रज्ञान क्षेत्राशी संबंधित असलेल्या व्यक्तींना मान, सन्मान मिळून प्रतिष्ठा वाढीस लागेल. ऑक्टोबर व नोव्हेंबर महिन्यात आई-वडिलांच्या प्रकृतीविषयी चिंता वाटू शकते. आरोग्यविषक समस्या उद्भवू शकतात. डिसेंबर महिन्यात काही समस्यांनंतर नियोजित कामे हातावेगळी करण्यात यश मिळेल.

आषाढी एकादशी वारी २०२०: पालखी - मुंगी उडाली आकाशी...

जानेवारी २०२१ मध्ये प्रलंबित कामे मार्गी लावण्यावर भर द्याल. फेब्रुवारी व मार्च महिन्यात देशाटन, पर्यटन यांवर पैसे खर्च होऊ शकतात. मात्र, त्यातून लाभही मिळतील. एप्रिल व मे महिन्यात घरात मंगल कार्ये घडण्याचा योग आहे. जून महिन्यात प्रलंबित येणी प्राप्त होण्याची शक्यता आहे. विद्यार्थ्यांना नियमित परिश्रमातून अपेक्षित यश मिळेल. आगामी वर्ष महिलांसाठी उत्तम जाईल. अपेक्षित यशाचा मार्ग प्रशस्त होण्यासाठी शिवपूजन करावे.