२२ ऑक्टोबर २०२०-२१ चे वार्षिक भविष्य

केंद्रीय गृहमंत्री अमित शहा, बॉलिवूड अभिनेत्री परिणिती चोप्रा, लेखक, चित्रकार विजयराज बोधनकर यांचा जन्मदिवस आहे. यांसह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मदिवस असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर चंद्र आणि गुरु या दोन ग्रहांचा प्रामुख्याने प्रभाव राहील. ऑक्टोबर व नोव्हेंबर महिन्यात चांगल्या गोष्टींसाठी पैसे खर्च होतील. मन प्रसन्न राहील. मनोकामना पूर्णत्वास जाऊ शकतील. कीर्ती वृद्धिंगत होईल.

सहावी माळ : नवदुर्गेचे सहावे स्वरुप कात्ययणी; 'असा' मिळवा पूजन लाभ

डिसेंबर ते जानेवारी २०२१ या कालावधीत आरोग्याच्या तक्रारींकडे दुर्लक्ष करू नये. वेळीच वैद्यकीय सल्ला घेणे हिताचे ठरेल. आरोग्याची विशेष काळजी घ्यावी. दिनक्रमात केलेला छोटासा बदल लाभदायक ठरू शकेल.

फेब्रुवारी महिन्यात प्रलंबित कामे मार्गी लागतील. मार्च महिन्यात मंगलकार्याची योजना आखू शकाल. एप्रिल व मे महिन्यात पर्यटन, देशाटन, तीर्थाटन संभवते. जून महिन्यात मनोरंजनावर पैसा खर्च करणे सुखद ठरू शकेल. जुलै महिन्यात दिनक्रम अतिशय व्यस्त राहू शकेल. ऑगस्ट आणि सप्टेंबर महिना सामान्य असेल.