२३ मे २०२०-२१ चे वार्षिक राशीभविष्य

आज वाढदिवस असणाऱ्यांना वाढदिवसाच्या आणि उज्ज्वल भविष्यासाठी उत्तमोत्तम हार्दिक शुभेच्छा...

महाराष्ट्र टाइम्स.कॉम

आज वाढदिवस असणाऱ्यांना आगामी वर्ष कसे जाईल, सांगताहेत आचार्य कृष्णदत्त शर्मा...

कर्क: अविस्मरणीय दिवस; वाचा, आजचे राशीभविष्य

आगामी वर्ष रजत पावलांनी प्रवेश करणार आहे. उर्वरित मे महिन्यात राजकीय क्षेत्रातील व्यक्तींना मोठे लाभ मिळण्याची शक्यता आहे. जून महिन्यात ग्रहमान अनुकूल पण संमिश्र फळ देणारे असेल. हितशत्रूंपासून सावध राहा. जुलै आणि ऑगस्ट महिना उत्तम जाईल. काही प्रमाणात खर्च उद्भवतील. मात्र, अधिक प्रमाणात लाभाचे योग आहेत.

शनीच्या प्रतिकूल प्रभावाने त्रस्त? 'या' देवतांची उपासना ठरेल उपयुक्त

सप्टेंबर व ऑक्टोबर महिन्यात काही व्यक्तींचा भाग्योदयाचा योग आहे. बुध ग्रहाच्या सकारात्मक पाठिंब्यामुळे बौद्धिक, धार्मिक आणि व्यवसायिक क्षेत्रातील व्यक्तींचे प्रयत्न सफल होतील. अपेक्षित यश मिळण्याचे योग आहेत. नोव्हेंबर व डिसेंबर महिन्यात काही अनावश्यक कामांचा त्रास होईल.

जानेवारी २०२१ मध्ये बौद्धिक क्षेत्रात असलेल्या व्यक्तींना कार्यविस्ताराची मोठी संधी उपलब्ध होईल. फेब्रुवारी आणि मार्च महिन्यात नोकरदार वर्गाला काही प्रयत्नांनंतर इच्छित स्थळी बदली करून घेण्याची संधी प्राप्त होईल आणि यश मिळेल.

तुम्ही लव्ह मॅरेज कराल की अरेंज? वाचा संख्याशास्त्र काय सांगते...

एप्रिल व मे महिना सामान्य राहील. आगामी वर्ष महिलांसाठी लाभदायक ठरेल. विद्यार्थ्यांना परिश्रमातील सातत्यामुळे अपेक्षित यश प्राप्त होईल. शक्य असल्यास सुंदरकांडचे नित्य पठण करावे.