२४ ऑगस्ट २०२०-२१ चे वार्षिक भविष्य

मराठीतील प्रसिद्ध दिग्दर्शक नागराज मंजुळे, चित्रपट निर्माता सतीश कुलकर्णी, महिला क्रिकेटपटू पूनम यादव यांचा आज जन्मदिवस आहे. या तिघांसह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज वाढदिवस असणाऱ्यांना आगामी वर्ष कसे जाईल, याचा आचार्य कृष्ण दत्त शर्मा यांनी घेतलेला आढावा...

आगामी वर्षात आपल्यावर सूर्य, गुरु, चंद्र आणि शुक्र या ग्रहांचा विशेष प्रभाव राहील. दिनक्रम अत्याधिक व्यस्त राहिल्यामुळे आपल्याकडून चुका होण्याची दाट शक्यता आहे. मात्र, थोडासा निष्काळजीपणा मोठे नुकसान करू शकतो. ऑगस्ट महिन्यात हाती घेतलेली कामे वेळेत पूर्ण करावीत.

सप्टेंबर महिन्यात दैनंदिन कार्यक्रमात केलेला छोटासा बदल लाभदायक ठरू शकतो. ऑक्टोबर व नोव्हेंबर महिन्यात आरोग्यात सुधारणा होईल. डिसेंबर महिना सामान्य राहील.

मेष : उद्योगधंदा, नोकरी यांमध्ये यशस्वी व्हाल; आजचे राशीभविष्य

जानेवारी २०२१ मध्ये मेहनत आणि परिश्रमांच्या जोरावर हाती घेतलेली कामे सुलभतेने पार पडतील. फेब्रुवारी व मार्च महिन्यात मंगल कार्याची योजना आखाल. एप्रिल महिन्यात देशाटन, तीर्थाटनाचे योग आहेत.

मे आणि जून महिन्यात ज्ञान आणि मनोरंजनासाठी पैसे खर्च होतील. मानसिक शांतता आणि प्रसन्नता मिळेल. जुलै महिन्यात कंटाळवाणे झालेले मन प्रफुल्लित होईल. विद्यार्थी आणि महिलांसाठी आगामी वर्ष उत्तम आणि सकारात्मक राहील.