२४ ऑक्टोबर २०२०-२१ चे वार्षिक भविष्य

शास्त्रीय गायिका कौशिकी चक्रवर्ती, बॉलिवूड अभिनेत्री मल्लिका शेहरावत यांचा जन्मदिवस आहे. यांसह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मदिवस असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आागामी वर्षात आपल्यावर मंगळ, शुक्र या दोन ग्रहांचा प्रामुख्याने प्रभाव राहील. ऑक्टोबर व नोव्हेंबर महिन्यात स्पर्धांमध्ये विजय प्राप्त होऊ शकेल. मन प्रसन्न राहील. काही जुनी येणी वसूल होऊ शकतील.

चंद्राचा मकर प्रवेश : 'या' ६ राशींना लाभाचा दिवस; आजचे राशीभविष्य

डिसेंबर ते जानेवारी २०२१ या कालावधीत विचारांमधील स्पष्टता उपयुक्त ठरू शकेल. फेब्रुवारी व मार्च महिन्यात काळानुरूप कार्य करावे. थोडासा निष्काळजीपणा नुकसानकारक ठरू शकेल. अंतर्विरोध, अपयशाला सामोरे जावे लागू शकेल. एप्रिल महिन्यात नियमित दैनंदिन दिनक्रमात केलेला छोटासा बदल यशकारक ठरू शकेल.

मे व जून महिन्यात मंगलकार्याच्या आयोजनाबाबत चर्चा होऊ शकेल. जुलै महिन्यात कठोर मेहनत आणि अथक परिश्रमांमुळे सुरुवातीला कठीण वाटणारी कामे सुलभतेने यशस्वीरित्या पार पडतील. ऑगस्ट आणि सप्टेंबर या कालावधीत ज्ञानात भर पडेल. मनोरंजनावर पैसे खर्च होऊ शकतील. आगामी वर्ष महिलांसाठी वैवाहिक जीवन सुखमय करणारे ठरू शकेल. विद्यार्थ्यांना अपेक्षित यश प्राप्त करता येऊ शकेल.