२५ सप्टेंबर २०२०-२१ चे वार्षिक भविष्य

अभिनेता वैभव तत्त्ववादी, अभिनेत्री अमिता खोपकर, दिव्या दत्ता, संतुरवादक राहुल शर्मा यांचा वाढदिवस आहे. यांसह आज जन्मदिवस असलेल्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मदिवस असलेल्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर चंद्र आणि मंगळ या दोन ग्रहांचा प्रामुख्याने प्रभाव राहील. सप्टेंबर व ऑक्टोबर महिना शुभ परिणामकारक असेल. दिग्गज, ज्येष्ठ आणि तज्ज्ञ व्यक्तींच्या भेटीचे योग आहेत. याचा निश्चित लाभ मिळू शकेल.

'या' राशीच्या व्यक्तींना यशकारक दिवस; वाचा, आजचे राशीभविष्य

नोव्हेंबर महिना अत्यंत यशकारक ठरण्याचे संकेत आहेत. डिसेंबर ते जानेवारी २०२१ शिक्षण क्षेत्रात कार्यरत असणाऱ्या व्यक्तींसाठी उत्तम ठरेल. व्यवसायिकांना अनेक लाभाच्या संधी प्राप्त होतील. पराक्रम आणि बुद्धिबळामुळे यश व प्रगती, मान, सन्मान, प्रसिद्धी शक्य. फेब्रुवारी व मार्च महिन्यात साहित्य, कला, संगीत क्षेत्रातील व्यक्तींसाठी चांगला असेल. आरोग्यात सुधारणा होईल.

एप्रिल व मे महिन्यात महत्त्वाची रचनात्मक कार्ये पार पडतील. जून महिना आर्थिक आघाडी सक्षम करणारा ठरू शकेल. जुलै महिना काहीसा कष्टकारक ठरू शकेल. ऑगस्ट महिना उत्तम ठरू शकेल. विद्यार्थ्यांनी आगामी वर्षात परिश्रम आणि योग्य मेहनत घेतल्यास अपेक्षित यश मिळण्याचे संकेत आहेत. महिलांसाठी आगामी वर्ष उत्तम ठरू शकेल. शक्य असल्यास निमयितपणे आदित्य हृदय स्तोत्राचे पठण करावे.