२८ ऑगस्ट २०२०-२१ चे वार्षिक भविष्य

बॉलिवूड अभिनेत्री आणि माजी खासदार प्रिया दत्त, गायक संगीतकार निहार शेंबेकर यांचा जन्मदिवस आहे. या दोघांसह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज वाढदिवस असणाऱ्यांना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर सूर्य आणि मंगळ या दोन ग्रहांचा प्रामुख्याने प्रभाव राहील. चंद्र, सूर्य, शुक्र या त्रिग्रही योगामुळे ऑगस्ट महिन्याच्या उर्वरित दिवसांमध्ये हाती घेतलेल्या कामांमध्ये जोखीम पत्करावी लागू शकेल. सप्टेंबर व ऑक्टोबर महिन्यात जुन्या एखादा राजकीय वाद संपुष्टात येण्याची चिन्हे आहेत.

'या' राशीच्या व्यक्तींना आनंददायी दिवस; वाचा, आजचे राशीभविष्य

नोव्हेंबर व डिसेंबर महिन्यात काही समस्यांना सामोरे जावे लागू शकेल. मात्र, याच कालावधीत समस्यांवर उपायही सापडेल. जानेवारी ते फेब्रुवारी २०२१ या कालावधीत व्यवसाय, व्यापार व उद्योग क्षेत्राशी निगडीत व्यक्तींना काही अडचणी येऊ शकतील. मार्च आणि एप्रिल महिन्यात कौटुंबिक प्रश्न, समस्या, अडचणी दूर होऊ शकतील.

मे महिन्यात मित्रांच्या मदतीमुळे एखादे काम पूर्णत्वास जाईल. जुलै महिन्यात पर्यटन व देशाटनाच्या योजना आखाल. ऑगस्ट महिन्यात नवीन कार्यक्षेत्राबाबत विचार कराल. आगामी वर्ष महिलांसाठी जीवनस्तर उंचावणारे ठरेल. कुटुंबातील सदस्यांची उत्पन्नाची साधने वाढतील. विद्यार्थ्यांनी अपेक्षित यशप्राप्तीसाठी मेहनत करावी. शक्य असल्यास नियमितपणे शनिवारी पिंपळाच्या झाडाला दीप अर्पण करावा.