२८ नोव्हेंबर २०२०-२१ चे वार्षिक भविष्य

ज्येष्ठ उद्योजक विठ्ठल कामत, लेखक विश्वास पाटील, चित्रकार किशोर नादिवडेकर यांचा जन्मदिवस आहे. यांसह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मतिथी असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर शनी, मंगळ, शुक्र या तीन ग्रहांचा प्रामुख्याने प्रभाव असेल. आगामी वर्ष अत्यंत शुभफलकारक ठरू शकेल. मात्र, किंचितसाही निष्काळजीपणा हितशत्रूंना संधी देणारा ठरू शकेल. नोव्हेंबर महिन्यात एखाद्या महिलेची मदत आणि सहकार्य मोलाचे ठरू शकेल.

त्रिग्रही योग : 'या' ७ राशींना लाभाचा दिवस; आजचे राशीभविष्य

डिसेंबर ते जानेवारी २०२१ या कालावधीत दैनंदिन दिनचर्येत केलेला छोटासा बदल उपयुक्त आणि लाभदायक ठरू शकेल. फेब्रुवारी व मार्च महिन्यात मुलांविषयीच्या चिंतेमुळे आरोग्यावर परिणाम होऊ शकेल. एप्रिल महिन्यात काही समस्यांनंतर प्रलंबित कामे यशस्वीरित्या मार्गी लागू शकतील.

मे व जून महिन्यात मंगलकार्याच्या आयोजनाबाबत कुटुंबात सविस्तर चर्चा, विचार-विनिमय होऊ शकेल. जुलै आणि ऑगस्ट महिन्यात पर्यटनाचे योग जुळून येऊ शकतील. सप्टेंबर महिन्यात ज्ञान, मनोरंजनावर अधिकचे पैसे खर्च होऊ शकतील. याचा आपल्यालाच लाभ मिळू शकेल. ऑक्टोबर महिना सामान्य असेल. वर्षाच्या उत्तरार्धात भाग्याची उत्तम साथ लाभेल. वाढत्या खर्चांवर नियंत्रण ठेवणे शक्य होऊ शकेल. विद्यार्थ्यांना मेहनत व परिश्रमानंतरच अपेक्षित यश साध्य करता येऊ शकेल. महिला वर्गासाठी आगामी वर्ष चांगले असू शकेल.