२९ जून २०२०-२१ चे वार्षिक राशीभविष्य

विनोदाचे अचूक टायमिंग साधणारा कलाकार आणि उत्कृष्ट लेखक असलेला महाराष्ट्राची हास्यजत्रा फेम अभिनेता समीर चौघुले यांचा आज वाढदिवस आहे. समीर चौघुले यांच्यासह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज वाढदिवस असणाऱ्यांना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला आढावा...

वृश्चिक: अचानक आलेल्या संधीचे सोने करा; वाचा, आजचे राशीभविष्य

आगामी वर्षात आपल्यावर गुरु ग्रहाचा प्रभाव राहील. मकर राशीत वक्री चलनात असलेल्या गुरुमुळे एखादी जुनी गोष्ट आता लाभदायक सिद्ध होऊ शकते. नवीन संधी उपलब्ध होतील. संपर्क वाढतील. उर्वरित जून आणि जुलै महिन्यात आयात-निर्यात क्षेत्राशी संबंधित असलेल्या व्यक्तींच्या कार्यक्षेत्रातील अडसर दूर होतील. अनेक नव्या संधी प्राप्त होतील.

वृषभ: काळ, काम, वेग यांचे गणित सांभाळा; साप्ताहिक राशीभविष्य

ऑगस्ट महिन्यात एखादी जुनी आठवण दाटून येईल. सप्टेंबर महिन्यात समृद्धीकारक घटना घडतील. ऑक्टोबर महिन्यात हितशत्रूंमुळे त्रास होण्याची चिन्हे आहेत. काही समस्यांना सामोरे जावे लागण्याची शक्यता आहे. नोव्हेंबर आणि डिसेंबर महिन्यात भाग्यवर्धक क्षेत्राशी जोडले जाण्याचे शुभ संकेत आहेत.

आषाढी एकादशी वारी २०२०: पालखी - आर्त विरहिणी : ‘विराणी’

जानेवारी व फेब्रुवारी २०२१ या कालावधीत बौद्धिक चातुर्य, कौशल्य आणि एकाग्रता या तिन्हींचा मेळ घालत कार्यक्षेत्रात कार्यरत राहिलात, तर हाती घेतलेली कामे सहज, सुलभतेने पूर्ण होऊ शकतात. मार्च आणि एप्रिल महिन्यात जीवनस्तर वाढवणारे प्रसंग घडतील. मे तसेच जून कालावधीत सामान्य राहील. विद्यार्थ्यांसाठी आगामी वर्ष उत्साह वाढवणारे असेल. आगामी वर्ष महिलांसाठी दाम्पत्य जीवन सुखकारक करणारे आणि मनोवांच्छित इच्छा पूर्ण करणारे ठरेल.