३० जुलै २०२०-२१ चे वार्षिक भविष्य

ज्येष्ठ अभिनेत्री सुलोचना दीदी, गायक सोनू निगम, अभिनेता अभय कुलकर्णी, भाजप नेते सुधीर मुनगंटीवार यांचा आज जन्मदिवस आहे. या सर्वांसह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मदिवस असणाऱ्यांना आगामी वर्ष कसे जाईल, याचा आचार्य कृष्ण दत्त शर्मा यांनी घेतलेला हा आढावा...

आगामी वर्षात आपल्यावर शुक्र आणि बुध या ग्रहांचा प्रभाव राहील. जुलै महिन्याचे अखेरचे दिवस आणि ऑगस्ट महिन्याच्या कालावधीत कलात्मक कार्यात प्रामुख्याने यश मिळेल. राजकीय क्षेत्रातील व्यक्तींना लाभाचे योग आहेत.

कन्या राशीच्या व्यक्तींना भाग्याचे योग; तुमचे भाग्य काय सांगते? वाचा

सप्टेंबर व ऑक्टोबर महिन्यात महिला अधिकाऱ्यांकडून कौतुकाची थाप पाठीवर पडेल. काही उत्तम संधी उपलब्ध होतील. त्याचा फायदा करून घेणे आपल्या हातात आहे. नोव्हेंबर व डिसेंबर महिन्यात मनोवांच्छित इच्छा पूर्ण होऊ शकतील. वैवाहिक जीवन आनंदी राहील. जोडीदाराची योग्य साथ प्राप्त होईल.

जानेवारी ते फेब्रुवारी २०२१ या कालावधीत काही समस्या त्रस्त करतील. मार्च व एप्रिल महिना कार्यविस्तारासाठी अनुकूल काळ आहे. मे महिना धावपळीचा जाईल. दिनक्रम अधिक व्यस्त राहील. मात्र, हाती घेतलेल्या कामांमध्ये यश आणि प्रगतीचे मार्ग प्रशस्त होतील. जून महिन्यात उत्तमोत्तम लाभ मिळू शकतील. आगामी वर्ष महिलांसाठी उत्तम ठरू शकेल. विद्यार्थ्यांनी परिश्रम, मेहनत केल्यास अपेक्षित यशप्राप्ती होऊ शकेल. विशेष परिणामांसाठी शक्य असल्यास जमेल तेवढे अन्नदान करावे. गो मातेचे पूजन करावे.