१६ जुलै २०१९चे वार्षिक राशीभविष्य

(भारतीय हॉकी संघाचा माजी कर्णधार धनराज पिल्ले यांचा जन्मदिन आहे. पिल्ले यांच्यासह वाढदिवस असलेल्या सर्वांना वाढदिवसाच्या आणि उज्ज्वल भविष्यासाठी हार्दिक शुभेच्छा)

आगामी वर्षात मालमत्तेसाठी खर्च होईल. जुलै आणि ऑगस्ट महिन्यात खर्चात वाढ होईल. सप्टेंबर आणि ऑक्टोबर महिन्यात आर्थिक परिस्थिती सुधारेल. मंगळ ग्रहाच्या मीन राशीतील संचारामुळे प्रतिष्ठा वाढण्यास मदत होईल. नोव्हेंबर आणि डिसेंबर महिन्यात राजकारणातील व्यक्तींना एखादे महत्त्वाचे पद मिळू शकते. जानेवरी आणि फेब्रुवारी २०२० मध्ये आरोग्याकडे लक्ष देणे आवश्यक असून, आहारावर नियंत्रण मिळवावे लागेल.

मार्च आणि एप्रिल महिन्यात कार्यक्षेत्र आणि व्यापार मंदावेल. मे आणि जून महिन्यात नव्या योजना कार्यान्वित होतील. जुलै महिन्याच्या सुरुवातीला महिलांना कौटुंबिक प्रश्नांना सामोरे जावे लागू शकते. आगामी वर्षात विद्यार्थ्यांना कठोर परिश्रमानेच यश प्राप्ती होणार आहे.