Today Horoscope 25 January 2023 Daily Astrology Rashi Bhavishya In Marathi
आजचे राशीभविष्य २५ जानेवारी २०२३ : कन्या आणि वृश्चिक राशीला मिळणार गजकेसरी योगाचा लाभ,पाहा तुमचे भविष्य भाकीत
Daily Rashi Bhavishya : आज २५ जानेवारी २०२३ रोजी, ग्रह नक्षत्राच्या बदलात गजकेसरी योग तयार होईल, या ग्रहस्थितीत मेष ते मीन सर्व राशीसाठी आजचा दिवस कसा जाईल जाणून घेऊया.
Authored byप्रियंका वाणी | महाराष्ट्र टाइम्स.कॉम25 Jan 2023, 4:00 am
Today Horoscope : गुरुवार, २५ जानेवारी रोजी कुंभ राशीनंतर चंद्र मीन राशीत प्रवेश करेल. अशा स्थितीत जिथे दुपारपर्यंत कुंभ राशीमध्ये त्रिग्रही योग असेल तर दुपारनंतर गुरु आणि चंद्र एकत्र मीन राशीत गजकेसरी योग तयार करतील. ज्योतिषी चिराग दारूवाला यांच्याकडून जाणून घ्या, या ग्रहस्थितींमध्ये तुमचा आजचा दिवस कसा जाईल.
मेष रास
मेष राशीच्या लोकांनी आज आपल्या आरोग्याची काळजी घ्यावी आणि गर्दीच्या ठिकाणी जाणे टाळावे. आर्थिक बाबतीत दिवस भाग्यवान असेल, उत्पन्नात वाढ होईल आणि अडकलेला पैसा मिळण्याची शक्यता आहे. नोकरदार लोक आज ऑफिसच्या कामाचा आनंद घेतील आणि नवीन प्रोजेक्ट देखील मिळू शकेल. प्रेम जीवनात काही कारणास्तव समस्यांना सामोरे जावे लागू शकते. विवाहित लोक घरगुती जीवनात एकमेकांच्या जवळ येतील. आज नशीब ९१% तुमच्या बाजूने असेल. दुर्गेची उपासना करा आणि दुर्गा सप्तशतीचा पाठ करा.
वृषभ रास
वृषभ राशीचे लोक आज आनंदी दिसतील. कौटुंबिक जीवन आनंदी राहील आणि आनंद चेहऱ्यावर स्पष्ट दिसेल. वैवाहिक जीवनात खूप रोमँटिक वाटेल आणि जोडीदारासोबत घराबाहेर जाण्याचा बेतही बनवाल. प्रेम जीवनामध्ये जोडीदार तुमच्यासाठी सरप्राईज आणू शकतो. नोकरदार लोक आज त्यांच्या कामासाठी ओळखले जातील आणि त्यांची प्रशंसा देखील होईल. व्यवसायात तुमच्या निर्णयातून फायदा होण्याची शक्यता आहे. आज नशीब ८८% तुमच्या बाजूने असेल. पांढर्या चंदनाचा टिळा लावून तांब्याच्या पात्रातून शिवाला जल अर्पण करा.
मिथुन रास
मिथुन राशीच्या ग्रह-ताऱ्यांची स्थिती चांगली राहील. तब्येतीत सुधारणा जाणवेल आणि जुन्या समस्यांपासूनही सुटका मिळेल. भावनिक आणि मानसिकदृष्ट्या शांत राहाल आणि जुन्या चांगल्या आठवणी जपण्याचे काम कराल. वैवाहिक जीवनात, तुमच्या जोडीदाराच्या प्रेमळ शब्दांमुळे तुम्हाला आराम वाटेल आणि तुम्ही तुमच्या सासरच्या लोकांशीही बोलू शकता. प्रेम जीवनात असलेले लोक आपल्या जोडीदारासोबत प्रवासात व्यस्त राहतील. मिथुन राशीच्या नोकरदारांना त्यांच्या कामातील चढ-उतारांमुळे त्रास होऊ शकतो, परंतु व्यवसायात उत्पन्न वाढण्याची शक्यता आहे. आज नशीब ७२% तुमच्या बाजूने असेल. गणपतीला दुर्वा अर्पण करा आणि कुटुंबासह आशीर्वाद घ्या.
कर्क रास
कर्क राशीच्या लोकांचा आजचा दिवस आनंदात जाईल. बर्याच काळानंतर, तुम्ही प्रेम जीवनासाठी वेळ काढू शकाल आणि तुमच्या जोडीदारासोबत चांगला वेळ घालवू शकाल. विवाहित लोकांचे घरगुती जीवन आनंददायी असेल आणि ते जोडीदाराचे मन जाणून घेण्याचा प्रयत्न करू शकतात. घरात पूजा आणि धार्मिक वातावरण राहील. मुलांसाठी दिवस अनुकूल आहे. नवीन नोकरी मिळण्यासाठी उत्साही राहाल. आरोग्य चांगले राहील. संध्याकाळी उत्तम जेवणाचा आनंद मिळेल. आज भाग्य ६३% तुमच्या बाजूने असेल. रोज रात्री शेवटची भाकरी काळ्या कुत्र्याला खाऊ घाला.
सिंह रास
सिंह राशीसाठी आजचा दिवस नवीन आनंद घेऊन येईल. कुटुंबातील सदस्यांसोबत चांगला वेळ घालवाल आणि ऑफिसची कामे वेळेवर पूर्ण कराल. आज कुटुंबातील सदस्यांसोबत बाहेर जेवण करण्याची संधी येऊ शकते. घाईत काम करणे टाळा अन्यथा चुका होऊ शकतात. कौटुंबिक सुख आणि शांती तुम्हाला आनंद देईल. वैवाहिक जीवनात तुम्ही तुमच्या जोडीदारावर एखाद्या गोष्टीसाठी रागावू शकता. प्रेम जीवनात असलेले लोक आज आपल्या जोडीदारासोबत त्यांच्या नात्याच्या भविष्याबद्दल मोकळेपणाने बोलतील. आज नशीब ७१% तुमच्या बाजूने असेल. गणेशाची आराधना करा आणि गणेश स्तोत्राचे पठण करा.
कन्या रास
कन्या राशीच्या ग्रहांची चलबिचल तुमच्या अनुकूल राहील आणि आरोग्यही चांगले राहील. नशीब उच्च राहील, त्यामुळे मेहनत कमी आणि नफा जास्त मिळण्याची शक्यता आहे. बँक आणि सरकारी महत्त्वाची कामेही पूर्ण होतील. भावंडांसोबत धार्मिक प्रवासाला जाण्याची तयारी कराल. विवाहित लोकांना वैवाहिक जीवनाबद्दल काही नवीनता जाणवेल आणि ते त्यांच्या जोडीदाराशी भविष्यातील योजनांवर चर्चा करतील. तुम्ही तुमच्या जोडीदारासोबत शॉपिंगला जाऊ शकता, ज्यामुळे नात्यातील प्रेम आणखी वाढेल. व्यावसायिकांना आज थोडा दिलासा वाटेल आणि व्यावसायिक संपर्कही निर्माण होतील. आज नशीब ७८% तुमच्या बाजूने असेल. गणपतीला २१ दुर्वा अर्पण करा.
तूळ रास
तूळ राशीच्या लोकांसाठी, ग्रह नक्षत्राची हालचाल त्यांना आरोग्याकडे लक्ष देण्यास भाग पाडेल. अनावश्यक आणि चुकीचे खाल्ल्याने समस्या निर्माण होऊ शकतात. कौटुंबिक वातावरण चांगले असले तरी कुटुंबातील सदस्य तुम्हाला समजावून सांगतील. कामाच्या संदर्भात जलद गतीने काम करण्याचा प्रयत्न कराल. प्रेम जीवन आनंदाने भरलेले असेल आणि जोडीदाराची साथ मिळेल. दुसरीकडे, वैवाहिक जीवनात जोडीदाराच्या नाराजीचा सामना करावा लागू शकतो. व्यवसायात चांगला नफा मिळू शकतो. आज नशीब ८१% तुमच्या बाजूने असेल. आपल्या बहिणीला भेट द्या आणि तिच्या पायांना स्पर्श करा.
वृश्चिक रास
वृश्चिक राशीच्या लोकांसाठी आजचा दिवस अनुकूल आहे. आजूबाजूला नजर टाकली तर काही चांगल्या गोष्टी घडताना दिसतील. घरातील लोकांचा मूड चांगला राहील, त्यामुळे मन प्रसन्न राहील. वैवाहिक जीवनात प्रेम आणि रोमान्सचा आनंद घ्याल आणि जोडीदाराचे करियर पुढे नेण्याच्या दिशेने काही गोष्टी देखील कराल, तर प्रेम जीवनात असलेले लोक आनंदी राहतील आणि त्यांच्या जोडीदाराला काही विशेष प्रकारे मदत करतील. जमीन मालमत्तेशी संबंधित कोणत्याही विषयावर कुटुंबातील सदस्यांशी चर्चा होऊ शकते. तुमची जुनी मेहनत आज तुम्हाला कामात यश देईल. आज नशीब ८७% तुमच्या बाजूने असेल. माता पार्वती किंवा उमा यांची पूजा करा.
धनु रास
आज धनु राशीचे ग्रह आज खर्च जास्त राहण्याचे संकेत देत आहेत, त्यामुळे आर्थिक परिस्थिती बिघडू शकते. क्रेडिट कार्ड देखील वापरावे लागतील. काही घरगुती खर्च देखील अनावश्यक असतील, ज्यामुळे नंतर तणाव निर्माण होऊ शकतो. उत्पन्नाच्या दृष्टीने दिवस सामान्य राहणार आहे. तुम्हाला मुलांकडून काही चांगले ऐकायला मिळेल आणि वैवाहिक जीवन देखील प्रेममय होईल, तुम्ही तुमच्या जोडीदारासोबत नवीन खाद्यपदार्थांचा आनंद घेऊ शकता. तथापि, प्रेम जीवनातील लोकांना आज काही समस्या जाणवू शकतात आणि जोडीदारास भेटण्यात गैरसोय होऊ शकते. आज नशीब ८४% तुमच्या बाजूने असेल. गणेशाची पूजा करून शेंदूर अर्पण करा.
मकर रास
आज मकर राशीच्या लोकांसाठी पैशांचेआगमन होण्याची शक्यता आहे, जे आनंदाचे कारण असेल. प्रेम जीवनाचा आनंद घ्याल आणि महत्वाच्या मुद्द्यांवर जोडीदारासोबत दीर्घवेळ संभाषण कराल. एकत्रितपणे, काही नवीन नियोजन देखील केले जाईल आणि सुट्टीवर जाण्याची शक्यता देखील आहे. मकर राशीच्या लोकांच्या घरातील वातावरण सकारात्मक राहील, त्यांना प्रियजनांचा पूर्ण पाठिंबा मिळेल. कामातही चांगले यश मिळण्याची शक्यता आहे. वैवाहिक जीवनात समाधानी दिसेल आणि जोडीदाराचे आरोग्यही चांगले राहील. आज नशीब ७३% तुमच्या बाजूने राहील. श्रीगणेशासह देवी सरस्वतीची पूजा करा.
कुंभ रास
कुंभ राशीच्या लोकांचे नशीब आज साथ देईल. रखडलेल्या कामांना गती मिळेल आणि सरकारी अधिकाऱ्याच्या मदतीने कामे पूर्ण होतील. अडकलेले पैसेही परत मिळू शकतात, त्यामुळे कामासाठी आजचा दिवस चांगला आहे. काम लवकर पूर्ण केल्याने तुम्ही कुटुंबाला वेळ देऊ शकाल आणि तुमच्या कुटुंबातील सदस्यांबद्दल तुमचे प्रेम वाढेल. विवाहित लोकांना त्यांच्या घरगुती जीवनात काही समस्या जाणवू शकतात आणि ते एखाद्या मित्राशी याबद्दल बोलू शकतात. दुसरीकडे, प्रेम जीवनात असलेल्यांना थोडे सावध राहावे लागेल. तुमचे कोणतेही बोलणे किंवा कृती तुमच्या जोडीदाराला चिडवू शकते. आज नशीब ६५% तुमच्या बाजूने राहील. श्रीगणेशाची आराधना करा आणि गणेश चालिसाचा पाठ करा.
मीन रास
मीन राशीच्या लोकांसाठी आजचा दिवस अनुकूल राहील. बर्याच दिवसांनी जुने मित्र आणि नातेवाईक यांच्याशी बोलायला वेळ मिळेल. जीवनात नवीनता जाणवेल आणि उर्जेने परिपूर्ण असेल. परंतु खर्च वाढू शकतात, ज्यामुळे तुम्हाला त्रास होईल. नोकरदार लोकांना बॉसकडून प्रशंसा ऐकण्याची संधी मिळेल. सामाजिक कार्यामुळे कुटुंबात मान-सन्मान वाढेल. जे लोक प्रेम जीवनात आहेत ते काही समस्यांसह नात्यात पुढे जातील. आज नशीब ८८% तुमच्या बाजूने असेल. गणेशाला दुर्वासोबत शमीची पाने अर्पण करा. - ज्योतिषी मित्र चिराग दारूवाला (बेजन दारूवाला यांचा मुलगा)
महाराष्ट्र टाइम्स मध्ये भविष्य सेक्शनसाठी कंन्टेंट रायटर म्हणून २ वर्षापासून काम करत आहे. वैदिक ज्योतिष, आर्थिक भविष्य, राशीभविष्य, अंक ज्योतिष, टॅरो कार्ड, पंचांग, धार्मिक विषय आणि, सण उत्सवासंबंधी अचुक माहिती घेऊन ज्ञान आणि अनुभवानुसार योग्य माहिती वाचकांपर्यंत पोहचवते. इलेक्ट्रॉनिक मीडिया चॅनल मध्ये काम करण्याचा अनुभव आहे, वॉइस ओवर देण्याचाही अनुभव आहे. वाचन करण्याची आवड आहे. धार्मिक, आध्यात्मिक कथा वाचणे आणि स्वरचित कविता लिहीण्याचीही आवड आहे.... आणखी वाचा
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.