कालरात्रि देवीचे पूजन केल्याने विशेष शुभाशिर्वादाचा लाभ

आज चैत्र नवरात्रीची सप्तमी तिथी असून, कालरात्रि देवीची आराधना केली जाते. भागवत पुराण, दुर्गा सप्तशती यांमध्ये देवीच्या या स्वरुपांविषयी माहिती देण्यात आली आहे. दुर्गा देवीचे सातवे स्वरुप असलेल्या कालरात्रि देवीचे पूजन केल्याने देवीचे शुभाशिर्वाद लाभतात. कालरात्रि देवीचे महत्त्व, मान्यता यांविषयी जाणून घेऊया...

देवीचे स्वरुप नावाप्रमाणे कालरात्रि आहे. देवीच्या श्वासात अग्नी असल्याचे म्हटले जाते. चतुर्भुज असलेल्या देवीच्या एका हातात खड्ग, तर दुसऱ्या हातात लोखंडी शस्त्र आहे. तिसरा हात अभयमुद्रा आणि चौथा हात वरमुद्रा स्थितीत आहे. देवीचे वाहन गर्दभ आहे. रिद्धी आणि सिद्धी प्रदान करणाऱ्या कालरात्रि देवीचे नेत्र ब्रह्मांडाप्रमाणे विशाल आणि गोल आहेत. देवीची दृष्टी वीजेप्रमाणे चकाकणारी आहे.

साप्ताहिक अंकभविष्य १८ ते २४ एप्रिल २०२१ : हा आठवडा तुमच्यासाठी कसा फायदेशीर आहे जाणून घ्या

भागवत पुराणानुसार, कालरात्रि देवीचे पूजन केल्याने कोणत्याही गोष्टींची कमतरता जाणवत नाही. अकाल मृत्यूचे भय राहत नाही. मनोकामना पूर्णत्वास जातात. तसेच भाविकांच्या समस्या, अडचणी, कष्ट यांचे अतिशीघ्र देवी निवारण करते, अशी मान्यता असल्याचे सांगितले जाते. पुराणातील काही उल्लेखांनुसार, कालरात्रि देवीला सर्व सिद्धींची अधिष्ठात्री मानले गेले आहे. त्यामुळे तंत्र-मंत्राचे साधक कालरात्रि देवीचे विशेष पूजन करतात. ही पूजा मध्यरात्री केली जाते. कालरात्रि देवी भाविकांवर विशेष कृपादृष्टी राहते आणि शुभाशिर्वाद प्राप्त होतात. म्हणूनच कालरात्रि देवीला शुभंकरी असेही म्हटले जाते.

Daily panchang 19 april 2021 : सप्तमी तिथी, शुभ मुहूर्त जाणून घ्या

कालरात्रि देवीला कालीमातेचे स्वरुपही मानले जाते. पार्वती देवीपासून कालीमातेची उत्पत्ती झाल्याचे सांगितले जाते. तिन्हीसांजेनंतर देवीचे पूजन करण्याचे विधान आहे. गंगाजल, पंचामृत, पुष्प, गंध, अक्षता यांनी देवीचे पूजन करावे. तसेच देवीला गुळाचा नैवेद्य दाखवावा, असे सांगितले जाते.

Daily horoscope 19 april 2021:मेष व कर्क राशीसाठी सुखद दिवस,तुमचं भविष्य काय सांगते जाणून घ्या