अ‍ॅपशहर

Akshaya Tritiya 2023: अक्षय्य तृतीया 'या' शुभ योगात, पाहा सोने खरेदीसाठी मुहूर्त आणि महत्व

Akshaya Tritiya 2023 Gold Buying Time: यावेळी २२ एप्रिलला अक्षय्य तृतीया आहे. अक्षय्य तृतीयेला सोने खरेदी करण्याचे अनन्यसाधारण महत्त्व असून या दिवशी दान केल्याने अक्षय्य फळ मिळते. या दिवशी सोने खरेदी, वाहन आणि नवीन घर खरेदी करणे देखील खूप शुभ मानले जाते. चला अक्षय तृतीयेचा शुभ मुहूर्त, योग आणि महत्त्व जाणून घेऊया.

Authored byप्रियंका वाणी | महाराष्ट्र टाइम्स.कॉम 22 Apr 2023, 11:10 am
अक्षय्य तृतीया या दिवशी केलेली गोष्ट अनंत काळ टिकते. अक्षय्य तृतीयेला दान धर्म करण्याचीही प्रथा आहे. साडेतिन मुहुर्तांपैकी एक मुहूर्त म्हणुन ज्या दिवसाचं महत्व विशद केलं जातं असा हा दिवस अक्षयतृतीया! आखाजी.. अश्या कितीतरी नावांनी साजरा होणारा हा सण भारतातल्या अनेक भागात निरनिराळ्या नावाने साजरा होतो. या दिवशी सुरू केलेल्या कुठल्याही कार्याचा क्षय होत नाही असे म्हणतात. अक्षय्य तृतीयेला पृथ्वी, आग, तेज, वायु व आकाश या पंचमहाभुतांविषयी कृतज्ञता व्यक्त करतात. कारण त्यांच्या साह्यानिच मनुष्य देहाला चैतन्य प्राप्त होते. म्हणूनच अक्षयतृतीयाच्या दिवशी पितरांच्या स्मरणार्थ अन्नदान, वस्त्रदान, जलदान, करण्यात येते.शिवाय या दिवशी आपण ज्या वस्तुंचे दान करतो त्या अक्षय प्रमाणात म्हणजेच विपुल प्रमाणात पुन्हा आपल्याला मिळतात म्हणुन अक्षयतृतीयेचं विशेष महत्व समजलं जातं.
महाराष्ट्र टाइम्स.कॉम Auspicious Time to Buy Gold on Akshaya Tritiya


अक्षय्य तृतीया तिथी

अक्षय्य तृतीया तारीख: शनिवार, २२ एप्रिल २०२३
अक्षय्य तृतीया प्रारंभ - २२ एप्रिल २०२३ सकाळी ७ वाजून ४९ मिनिटे ते
अक्षय्य तृतीया समाप्ती - २३ एप्रिल २०२३ सकाळी ७ वाजून ४७ मिनिटे.
अक्षय्य तृतीयेच्या पूजेसाठी शुभ वेळ: सकाळी ७ वाजून ४९ मिनिटे ते दुपारी १२ वाजून २० मिनिटे.

अक्षय्य तृतीया शुभ मुहूर्त आणि शुभ योग

अक्षय्य तृतीयेच्या दिवशी अबुझ मुहूर्त असतो, म्हणजेच या दिवशी मुहूर्त न पाहता शुभ कार्य करता येते. पंचांगानुसार यावेळी अक्षय्य तृतीयेला शुभ योगांचा महासंयोग होत आहे. तज्ज्ञांच्या मते, अक्षय्य तृतीयेला या अत्यंत दुर्मिळ योगांच्या अनुषंगाने सोने-चांदी इत्यादींची पूजा करून खरेदी केल्यास लक्ष्मी मातेच्या आशीर्वादाचा वर्षाव वर्षभर होत राहील.
आयुष्मान योग - २१ एप्रिल २०२३ सकाळी ११ ते २२ एप्रिल २०२३ सकाळी ९ वाजून २६ मिनिटे.
सौभाग्य योग - २२ एप्रिल २०२३, सकाळी ९ वाजून २६ मिनिटे ते २३ एप्रिल २०२३ सकाळी ८ वाजून २२ मिनिटे.
त्रिपुष्कर योग - सकाळी ०५:४९ ते सकाळी ७:४९ (२२ एप्रिल २०२३)
सर्वार्थ सिद्धी योग - २२ एप्रिल २०२३, सकाळी ११ वाजून २४ मिनिटे ते २३ एप्रिल २०२३, सकाळी ५ वाजून ४८ मिनिटे.
रवि योग - २२ एप्रिल २०२३, सकाळी ११ वाजून २४ मिनिटे ते २३ एप्रिल २०२३, सकाळी ५ वाजून ४८ मिनिटे.
अमृत सिद्धी योग - २२ एप्रिल २०२३, सकाळी ११ वाजून २४ मिनिटे ते २३ एप्रिल २०२३, सकाळी ५ वाजून ४८ मिनिटे.
अक्षय्य तृतीयेला चंद्र वृषभ राशीत असेल. अशा परिस्थितीत या दिवशी चांदी खरेदी करणेही खूप शुभ आणि फलदायी ठरेल. चांदीचा हत्ती आणि दागिने खरेदी केल्याने घरात बरकत राहील.

अक्षय्य तृतीया महत्व

अक्षय्य तृतीयेला सोने-चांदी खरेदी करण्यासोबतच नवीन व्यवसाय सुरू करणे खूप शुभ मानले जाते. या दिवशी लग्न करणाऱ्या जोडप्यांच्या आयुष्यात सदैव सुख-समृद्धी नांदत असते. अक्षय्य तृतीयेच्या दिवशी घरात प्रवेश करणे किंवा नवीन वाहन खरेदी करणे देखील खूप शुभ मानले जाते. सुवर्ण मानल्या जाणाऱ्या जवाचे दानही या दिवशी करावे.
लेखकाबद्दल
प्रियंका वाणी
महाराष्ट्र टाइम्स मध्ये भविष्य सेक्शनसाठी कंन्टेंट रायटर म्हणून २ वर्षापासून काम करत आहे. वैदिक ज्योतिष, आर्थिक भविष्य, राशीभविष्य, अंक ज्योतिष, टॅरो कार्ड, पंचांग, धार्मिक विषय आणि, सण उत्सवासंबंधी अचुक माहिती घेऊन ज्ञान आणि अनुभवानुसार योग्य माहिती वाचकांपर्यंत पोहचवते. इलेक्ट्रॉनिक मीडिया चॅनल मध्ये काम करण्याचा अनुभव आहे, वॉइस ओवर देण्याचाही अनुभव आहे. वाचन करण्याची आवड आहे. धार्मिक, आध्यात्मिक कथा वाचणे आणि स्वरचित कविता लिहीण्याचीही आवड आहे.... आणखी वाचा

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज