Ashadha Gupt Navratri 2022: आजपासून आषाढ गुप्त नवरात्र : 'या' शुभ योगात देवीची पूजा विशेल लाभकारी

Ashadha Gupt Navratri 2022 in Marathi: शास्त्रानुसार एका वर्षात ४ नवरात्र असतात, त्यात चैत्र आणि शारदीय नवरात्र हे प्रकट नवरात्र असतात तर गुप्त नवरात्री आषाढ आणि माघ महिन्यात येतात. त्रेतायुगात आषाढ महिन्यातील गुप्त नवरात्र सर्वात जास्त प्रचलित होती असे मानले जाते. या नवरात्रीमध्ये साधक अलौकिक आणि दैवी शक्तींसाठी मातेची पूजा करतात. त्यामुळे सामान्य गृहस्थांमध्ये या नवरात्रीचे प्रमाण कमी असते.

पूजा करताना ही भांडी चुकूनही वापरु नका, मनुस्मृती काय सांगतेय वाचा

धार्मिक मान्यतेनुसार, नवरात्रीमध्ये प्रकट झालेल्या भौतिक सुखासाठी देवीच्या नऊ रूपांची पूजा केली जाते. परंतु गुप्त नवरात्रीमध्ये देवीच्या १० महाविद्या पाळल्या जातात. देवीच्या दहा महाविद्या या महाशक्ती आहेत ज्या साधकांना वैश्विक आणि अलौकिक आनंद प्रदान करतात. देवीच्या या महाविद्या पाळणाऱ्यांना जगात काहीही मिळणे अशक्य नाही. या दहा महाविद्यांची नावे आहेत- काली, तारा (देवी), छिन्नमस्ता, षोडशी, भुवनेश्वरी, त्रिपुरभैरवी (त्रिपुर सुंदरी), धुमावती, बगलामुखी, मातंगी आणि कमला.

Amarnath Yatra 2022: अमरनाथ यात्रा करताना 'या' गोष्टींची घ्या विशेष काळजी

यावेळी आषाढ गुप्त नवरात्रीला गुरुवारपासून म्हणजेच आजपासून सुरुवात होत आहे. या दिवशी मध्यरात्री पुष्य नक्षत्र होणार असून त्यामुळे गुरु पुष्य योगही तयार होत आहे. या शुभ योगासोबतच या दिवशी अमृत सिद्धी आणि सर्वार्थ सिद्धी नाम योगही तयार होतील. अशा स्थितीत मध्यरात्री देवीच्या बीज मंत्रांचा जप करणे आणि देवीची साधना करणे खूप शुभ ठरेल.

आषाढ गुप्त नवरात्री दरम्यान शुभ योग
यावेळी ३० जूनपासून गुप्त नवरात्रीला सुरुवात होत असून ती ८ जून रोजी संपत आहे. अशा स्थितीत या काळात अनेक शुभ संयोग घडतील. ३० जून रोजी सर्वार्थ सिद्धी योग, गुरु पुष्य योग आणि अमृत सिद्धी योग प्रथम असेल. यानंतर ६ जुलै रोजी सर्वार्थ सिद्धी योग होईल. २ जुलै, ४ जुलै, ६ जुलै आणि ८ जुलै रोजी रविपुष्य योग असेल.
जगन्नाथ रथयात्रा ०१ जुलै २०२२, 'या' गोष्टी प्रत्येकाला माहिती असाव्यात