गंगा दशहरा म्हणजे काय? जाणून घ्या मुहूर्त, महत्त्व आणि मान्यता

ज्येष्ठ मासातील दशमी या तिथीला गंगा दशहरा साजरा केला जातो. वास्तविक ज्येष्ठ प्रतिपदेपासून गंगा दशहराला सुरुवात होते. हा उत्सव ज्येष्ठ शुद्ध दशमीपर्यंत सुरू राहतो. यंदाच्या वर्षी सोमवार, १ जून २०२० रोजी गंगा दशहरा आहे. या दिवशी गंगा नदीत स्नान करणे अत्यंत पवित्र मानले जाते. मात्र, आताच्या परिस्थितीत गंगा नदीत जाऊन स्नान करणे व्यवहार्य ठरणार नाही. करोना आणि लॉकडाऊनमुळे सर्वांनी घरीच राहून गंगा दशहरा साजरा करावा, असे आवाहन केले जात आहे.

बुधचा मिथुन राशीत प्रवेशः 'या' पाच राशींवर सर्वाधिक प्रभाव

गंगा दशहराः ०१ जून २०२०

ज्येष्ठ शुद्ध दशमी प्रारंभः ३१ मे २०२० रोजी सायंकाळी ५ वाजून ३८ मिनिटे

ज्येष्ठ शुद्ध दशमी समाप्तीः ०१ जून २०२० रोजी दुपारी २ वाजून ५७ मिनिटे

भारतीय पंचांगानुसार, सूर्योदयाची तिथी मानण्याची परंपरा असल्यामुळे गंगा स्नानासाठी १ जून रोजी दुपारी २ वाजून ५७ मिनिटांपर्यंतचा शुभ मुहूर्त असल्याचे सांगितले जात आहे.

तुमच्या तळहातावर M अक्षरासारखे चिन्ह आहे? वाचा याचा नेमका अर्थ

गंगा दशहराचे महत्त्व

ज्येष्ठ शुद्ध दशमीला गंगा दशहरा साजरा केला जातो. या दिनी गंगा नदीचे अवतरण भारतभूमीवर झाले होते, असे मानले जाते. ही तिथी संवत्सरमुखी मानली जाते. याबाबत स्कंद पुराणात उल्लेख असलेला आढळून येते. या दिवशी गंगा स्नान करणे पवित्र मानले जाते. गंगा दशहरा दिनी शक्य तेवढे दान करावे, असे सांगितले जाते. या दिवशी ज्या गोष्टींचे दान केले जाते, ती गोष्ट दुपटीने आपल्याकडे पुन्हा येते, अशी मान्यता आहे.

लॉकडाऊनमुळे नोकरी जाण्याची भीती? 'हे' उपाय करा, भयमुक्त व्हा

गंगा नदीत स्नान केल्याने आपल्या सर्व पापातून मुक्ती मिळते, अशी मान्यता आहे. पृथ्वीवर गंगावतरण व्हावे, यासाठी राजा भगीरथाने कठोर तप केले होते. गंगेचा तीव्र प्रवाह भूतलावर आला असता, तर भूमातेचे नुकसान झाले असते. म्हणूनच महादेव शिवशंकराच्या गंगेचा प्रवाह आपल्या जटांमध्ये धारण केला आणि संतुलित प्रवाह गंगामुख येथून प्रवाहित झाला, अशी एक कथा पुराणातून आपल्याला मिळते.

कर्ज घेण्यासाठी कोणता दिवस शुभ असतो? ज्योतिषशास्त्र सांगते...

गंगा दशहरा दिवशी गंगा पूजन केले जाते. गंगा पूजन करताना ॐ श्री गंगे नमः आणि ॐ नमो गंगायै विश्वरूपिण्यै नारायण्यै नमो नमः या मंत्रांचा जप करावा. गंगा पूजन झाल्यानंतर सूर्याला अर्घ्य द्यावे.