हनुमान जयंतीः जाणून घ्या मुहूर्त आणि पूजनविधी

हनुमंत, मारूती, बजरंगबली, रामभक्त, आंजनेय, महावीर, पवनपुत्र, पवनसुत, केसरीनंदन अशा अनेक नावाने संबोधल्या जाणाऱ्या हनुमानाची जयंती देशभरात मोठ्या प्रमाणात साजरी केली जाते. बुधवार, ८ एप्रिल २०२० रोजी हनुमान जयंती साजरी केली जाणार आहे. चैत्र शुद्ध पौर्णिमेला अंजनी मातेच्या पोटी हनुमानाचा जन्म झाला. त्यामुळे चैत्र शुद्ध पौर्णिमा हनुमान जयंती म्हणून ओळखली जाते. मात्र, हनुमानाच्या जन्मस्थळाविषयी नेमकी स्पष्टता नाही. संपूर्ण भारतात हनुमानाच्या जन्मतिथीबद्दल अनेक मतमतांतरे आहेत. काही ठिकाणी हनुमान जयंती कार्तिक महिन्यात साजरी केली जाते. चैत्रातील हनुमान जयंतीचा मुहूर्त आणि पूजनविधी...

'हे' आहेत एप्रिल महिन्यातील मुख्य सण-उत्सव

आश्चर्य! सरळ वाचले तर रामकथा; उलट वाचले तर कृष्णकथा...

चैत्र पौर्णिमा प्रारंभः ७ एप्रिल २०२० दुपारी १२ वाजून ०२ मिनिटे

चैत्र पौर्णिमा समाप्तीः ८ एप्रिल २०२० सकाळी ८ वाजून ०४ मिनिटे

पूजाविधीचा मुहूर्तः सकाळी ८ वाजेपर्यंत.

सर्वार्ध सिद्धी योगः पहाटे ५ वाजून ४६ मिनिटांपासून ६ वाजून ७ मिनिटांपर्यंत

हनुमान जन्माची 'ही' रहस्ये माहिती आहेत? वाचा

मराठी नववर्षः 'या' राशींना ठरणार यंदाचे वर्ष लाभदायक

हनुमान जयंती पूजनविधी

पौर्णिमा मंगळवार, ७ एप्रिल रोजी सुरू होत असली, तरी आपल्याकडे सूर्योदयाची तिथी मानण्याची पद्धत असल्यामुळे हनुमान जयंतीचा पूजनविधी बुधवार, ८ एप्रिल रोजी करावा. बुधवारी सकाळी नेहमीप्रमाणे नित्यकर्म उरकून घ्यावीत. हनुमानाची मूर्ती किंवा प्रतिमेचे पूजन करावयाची जागा स्वच्छ करून घ्यावी. हनुमानाची मूर्ती वा प्रतिमा स्थापन करावी. हनुमान पूजनाचा संकल्प करावा.

वाचाः होम-यज्ञ आहुतीवेळी 'स्वाहा' का म्हणतात?

काय सांगता! श्रीकृष्ण आणि दुर्योधन होते व्याही?

हनुमानाचे आवाहन करावे. आवाहन करताना हनुमान, श्रीराम आणि सीता मातेचे स्मरण करावे. पूजाविधी करताना ब्रह्मचर्य नियमांचे पालन करावे. सुरुवातीला गणपती पूजन करावे. यानंतर हनुमानाला पंचामृत स्नान घालून अभिषेक करावा. यानंतर शुद्धोदक स्नान घालावे. हनुमान स्तोस्त्र, हनुमान चालिसा, बजरंग बाण, रामस्तुती यांचे यथाशक्ती पठण करावे. चंदन, अक्षता, फुले, धूप, दीप, नैवेद्य अर्पण करावे. पूजाविधी करताना हनुमानाला तेल, शेंदुर, रूईची फुले, पाने अर्पण अवश्य अर्पण करावे. यानंतर हनुमानाची आरती करावी. हनुमानाचे नामस्मरण करून पूजेची सांगता करावी. दुसऱ्या दिवशी उत्तरपूजा करून संकल्प पूर्ण करावा.