करोनाच्या नियमात घरच्या घरी अशी साजरी करा होळी

आता हा करोना कधी एकदाचा जातो आणि कधी नाही असं प्रत्येकाला वाटत असेल. साहजिकच आहे वाटणं कारण या करोनाच्या कहरामुळे यंदा आपल्याला अनेक सण व उत्सव साजरा करण्यापासून वंचित रहावं लागलं आहे. आता तर सर्वांचा आवडता सण होळी पुन्हा आला कारण करोना देखील एक वर्षाचा झाला आहे. मागच्या वर्षी देखील आपण होळी साजरी करू शकलो नव्हतो. परंतू, पंतप्रधान मोदिंनी ज्या प्रमाणे थाळी वाजवा आणि दिवेे लावा कार्यक्रम घेतला तसा
आपण होळी सण देखील साजरा करू शकतो. चला तर मग जाणून घ्या घरच्या घरी होळी कशी साजरी करायची.


पदार्थांचा आस्वाद घ्या

होळी आली की अनेक गोड धोड आणि चटकदार पदार्थांची रेलचेल असते. घरी आहात तर आपल्या घरातील महिलांसोबत सोबत या पदार्थांचा फक्त आस्वाद न घेता हे पदार्थ कसे बनवता ते शिकून घ्या आणि कुटुंबासोबत पुरणपोळी,गुजीया, लाडू,खीर, करंज्या, वडे भजे अशा लज्जतदार पदार्थांचा आस्वाद घ्या.

होळीच्या दिवशी हे उपाय करा, आजारापासून मुक्ती मिळवा

होळीच्या गाण्यांवर धमाल करा

होळीच्या जुन्या ते नव्या गाण्यांची प्ले लिस्ट बनवा. आजी आजोबांपासून ते लहानांपर्यंत सर्वांनी या गाण्यांवर धमाल करा. "आला होळीचा सण लय भारी" ते "रंग बरसे भिगे चुनरवाली" अशा मराठी ते हिंदी गाण्यांचा आनंद घ्या. तंत्रज्ञान इतकं पुढे गेलं आहे की अनेक सोशल साईट्स आहे ज्यावर पटकन हवी ती गाणी सापडतात. संपूर्ण कुटुंबासोबत होळी निमीत्त चित्रपट देखील पाहू शकता.

नवनवीन खेळ खेळा
कुटुंबासोबतच घरच्या घरी किंवा व्हिडीओ कॉल वर अनेक खेळ खेळणं शक्य आहे. बुध्दिबळ, स्टोन पेपर सिझर, अंताक्षरी, कॅरम,पत्ते,सारीपाट, अशा अनेक खेळांचा यात समावेश करू शकतात.खेळ खेळतांना या खेळांमध्ये जो हारेल त्याला पाण्याच्या टब मध्ये बसवा आणि घरच्या घरी होळीचा आनंद घ्या.

होळी का साजरी करतात,पहा अनेक संदर्भ

घरच्या घरी रंग बनवा

हळद,मलई,मुलतानी माती,टमाटर,कुंकू,बेसन पीठ, गव्हाचं पीठ अशा अनेक घरी उपलब्ध असणाऱ्या साहित्यापासून आपण रंग बनवू शकतो जे त्वचेसाठी हानीकारक देखील नसतात याच रंगांनी कुटुंबासोबत घरच्या घरी होळी साजरी करा.

देवाची आराधना करा

होळीच्या दिवशी देवाचं नामस्मरण करणं अनेक पटिंनी फलदायी असतं. या दिवशी जप, ध्यान, नामस्मरण करून सुखसमृद्धी बळकट करा.
अच्युतानन्तगोविन्द नामोच्चारणभेषजात |
नश्यन्ति सकला रोगा: सत्यं सत्यं वदाम्यहम ||
‘ हे अच्युत ! हे अनंत ! हे गोविंद ! या मंत्राचा जप केलास सुदृढ आरोग्य प्राप्त होतं. तसेच जर आर्थिक कमतरता जाणवू नये असे वाटत असेल तर गाईचं दही शरीराला लावून आंघोळ करा. यामुळे इच्छित फळ प्राप्त होतं.

Holi 2021: होलिका दहन आणि रंगपंचमीची खास वैशिष्ट्ये