जन्माष्टमीच्या पूजेसाठी 'हे' ४४ मिनिटे खूप खास, 'या' शुभ योगात पूजा करणे लाभदायक

जन्माष्टमी व्रताचा नियम असा आहे की ज्या रात्री अष्टमी तिथी निशिथ काळात येते, त्याच दिवशी श्रीकृष्ण जन्म व्रत पाळले जाते आणि दुसऱ्या दिवशी जन्मोत्सव साजरा केला जातो. १८ ऑगस्ट या दिवशी निशिथ काळात अष्टमी तिथी असल्याने शास्त्रानुसार या दिवशी श्रीकृष्ण जन्माष्टमी व्रत करावे.

जन्माष्टमीच्या दिवशी व्रत करणाऱ्याने सकाळी स्नान करून प्रथम बाळगोपाळाची पूजा करावी. यानंतर उपवासाचा संकल्प घेऊन दिवसभर उपवास करावा. ज्यांना उपाशी राहता येत नाही, ते हवे असल्यास काही फळे खाऊ शकतात. व्रत करणाऱ्याने या दिवशी मनाने व वाणीने सात्विक वर्तन करावे. कोणाच्या मनात वाईट विचार आणू नका आणि कोणाला वाईट बोलू नका. भगवान श्रीकृष्णाचे ध्यान करा. जन्माष्टमी व्रतामध्ये मध्यरात्रीच्या पूजेला खूप महत्त्व आहे.

श्रीमद भागवत पुराणानुसार भगवान श्रीकृष्णाचा जन्म भाद्र कृष्ण अष्टमी तिथीच्या मध्यरात्री रोहिणी नक्षत्रात झाला होता. त्यामुळे जन्माष्टमीच्या मध्यरात्री केल्या जाणाऱ्या पूजेला खूप महत्त्व आहे. यावेळी दुपारी १२ वाजून ३ मिनिटे ते १२ वाजून ४७ मिनिटे या वेळेत निशीथ काळ असेल. म्हणजेच, एकूण वेळ ४४ मिनिटांपर्यंत आहे, जो श्रीकृष्णाच्या भक्तांसाठी सर्वात खास आहे. यावेळी लड्डू गोपाळ आणि बाळकृष्ण यांचा पाळणा सजवून त्यांची विधिवत पूजा करावी.

बाळकृष्णाला स्नान घालावे. नवीन कपडे घालावे. बाळकृष्णाच्या सोबत बासरी आणि गाय ठेवा. त्यानंतर फुले व पंचामृताने पूजा करून लोणी आणि खडीसाखर अर्पण करा. या प्रसादाचे सेवन केल्यावर उपवास पूर्ण करावा आणि नंतर रात्री फळे खाऊन जागरण करून अष्टमी व्रत पूर्ण करावे. दुसऱ्या दिवशी अन्न आणि पाणी घ्यावे. अशा प्रकारे जन्माष्टमीचे व्रत ठेवल्यास उपवासाचे अधिक पुण्य प्राप्त होते.