रामनवमीला या शुभ योगांचा संयोग, बघाल तर चकीत व्हाल

चैत्र शुक्ल नवमी तिथीला हिंदू धर्मात पवित्र म्हटलं जातं कारण मर्यादा पुरुषोत्तम श्रीराम यांचा जन्म याच दिवशी झाला होता. पुराणात श्रीरामाचे वर्णन केले आहे आणि श्रीराम भगवान विष्णूचा अवतार आहे. त्रेता युगात जेव्हा रावणाने आहाकार माजवला होता तेव्हा भगवान विष्णूला पृथ्वीवरील धर्माचे रक्षण करण्यासाठी सातवा अवतार घ्यावा लागला.

याबद्दल तुलसीदास यांनी रामचरितमानस मध्ये लिहिले आहे की-"नौमी तिथि मधुमास पुनीता। सुकल पच्छ अभिजित हरिप्रीता। मध्यदिवस अति सीत न घामा। पावन काल लोक बिश्रामा।। भए प्रगट कृपाला दीनदयाला कौसल्या हितकारी। हरषित महतारी मुनि मन हारी अद्भुत रूप बिचारी॥"

रामनवमी २०२१: करोना संकटात रामचरितमानस च्या 'या' श्लोकाचे करा नामस्मरण

दोन वेगवेगळ्या दोहांमध्ये तुलसीदासांनी भगवान राम यांचा जन्म, वेळ आणि त्यांच्या जन्मापासून जगतात पसरलेल्या आनंदाचे वर्णन केले आहे. त्यांनी लिहिले आहे की नवमीला जेव्हा पृथ्वीवर,अती थंडी आणि दुपारी जास्त उष्णता नसतांना भगवान श्रीरामांनी अभिजीत मुहूर्तामध्ये जन्म घेतला. दीन दयाळू प्रभुच्या दर्शनाने संपूर्ण सृष्टी मंत्रमुग्ध झाली होती. माता कौशल्याच्या आनंदाला मर्यादा नव्हती.

पुन्हा चंद्राची तिच स्थिती

तुळशीदास यांनी केलेल्या भगवान श्रीराम यांच्या जन्माच्या वर्णनानुसार, अनेक ज्योतिषांनी त्यांची जन्मकुंडली तयार केली आहे आणि त्यांच्या मते, भगवान राम यांचा जन्माच्या वेळी लग्न राशी कर्क होती. या वेळी रामनवमीच्या दिवशी एक शुभ योगायोग घडला असून, भगवान रामाच्या जन्माच्या वेळी चंद्राची जी स्थिती होती, तिच स्थिती पुन्हा झाली आहे. दुपारच्या वेळी लग्न राशी कर्क मध्ये चंद्र विराजमान होईल. ग्रहांचा राजा सूर्य आज मेष राशीत राहणार आहे. श्रीरामांच्या जन्माच्या वेळीसुद्धा सूर्यदेव मेष राशीमध्ये उपस्थित होते. सूर्य आणि चंद्राची ही स्थिती अतिशय शुभ आहे, या स्थितीमुळे थोड्या ध्यानधारणेने देखील रामभक्तांना वर्षानुवर्षे इच्छित फळ मिळू शकते. या शुभ योगात रामायणाचे पठण आणि गरजूंना अन्न, फळे आणि कपड्यांचे दान पुण्यकारक ठरेल.

श्रीराम नवमी २०२१ मुहूर्त : यंदा देखील भक्तांविनाच श्रीराम जन्मोत्सव

ज्योतिष शास्त्रामध्ये हा योग अनेक अशुभ योगांचा नाश करणारा ठरेल असे म्हटले आहे. या शुभ योगात आपण कोणतीही शुभ कार्य आयोजित करू शकता. जर आपण एखादा नवीन व्यवसाय सुरू करण्याचा विचार करीत असाल तर आपण या शुभ योगास व्यवसायाचा प्रारंभ करू शकता. हा शुभ योग २१ एप्रिल ते २३ एप्रिल दरम्यान राहील. या शुभ योगा प्रसंगी रामनवमीच्या निमित्ताने तुम्ही कोणतेही शुभ कार्य, व्यवसायाची बोलणी, लग्नाची तारीख, घराचे बांधकाम करू शकता.

शेवटी लक्षात ठेवा - "रघुपति बिमुख जतन कर कोरी। कवन सकइ भव बंधन छोरी।। जीव चराचर बस कै राखे। सो माया प्रभु सों भय भाखे।।"

राम नवमी २१ एप्रिल २०२१ विशेष 'कथा रामजन्माची'