Sankashti Chaturthi January 2022 नविन वर्षाची पहिली संकष्टी चतुर्थी मुहूर्त, कथा आणि चंद्रोदय वेळ

हिंदू पंचांगानुसार प्रत्येक मराठी महिन्याच्या कृष्ण पक्षात येणाऱ्या चतुर्थीला संकष्ट चतुर्थी किंवा संकष्टी चतुर्थी म्हणतात. साधारणपणे एका वर्षात १२ आणि अधिकमास आल्यास १३ संकष्ट चतुर्थी येतात. गणपतीचे भक्त हा दिवस विशेष भक्तिभावाने साजरा करतात. गणेशाच्या उपासनेत या दिवसाचे महत्व विशेष आहे. चंद्रदर्शन हा या व्रताचा महत्वाचा भाग आहे. नविन वर्षाची पहिली संकष्ट चतुर्थी शुक्रवार २१ जानेवारीला असून, ही साल २०२२ मधील पौष कृष्ण संकष्टी चतुर्थी आहे.

गणपती बाप्पा जवळ असणाऱ्या 'या' वस्तूंचा प्रतिकात्मक अर्थ माहित आहे का?

संकष्ट चतुर्थी मुहूर्त
पौष कृष्ण संकष्ट चतुर्थी प्रारंभ : शुक्रवार २१ जानेवारी २०२२, ८ वाजून ५१ मिनिटे
पौष कृष्ण संकष्ट चतुर्थी समाप्ती : शनिवार २२ जानेवारी २०२२, ९ वाजून १४ मिनिटे

संकष्ट चतुर्थीची कथा

प्रत्येक माणसाला चार प्रकारची संकटे असल्याचे मानले जाते. प्रसूतिजन्य (गर्भज), बाल्यावस्था (देहज), मरणात्मक (अंतिम) आणि यमलोकगमन (याम्यज). या चार संकटातून मुक्त होण्याकरिता गणरायांनी संकष्ट चतुर्थीचे व्रत सांगितले आहे, असा संदर्भ श्री गणेश कोश यामध्ये आढळतो.

गणेशाची शाश्वत भक्ती लाभण्यासाठी संकष्ट चतुर्थीचे व्रत केले जाते. हे व्रत चंद्रोदयकाली मान्य होईल, व्रतकालात जलप्राशन वा अन्नग्रहण करू नये. असे व्रत केल्यास मी संतुष्ट होऊन ऐहिक संकट निरसन करी, असे व्रत प्रत्यक्ष गणेशांनी सांगितले आहे, असे मानले जाते.

Arthik Rashi Bhavishya आर्थिक राशीभविष्य १९ जानेवारी २०२२ : आज आर्थिक लाभ होईल की नाही जाणून घेऊया

चंद्रोदय वेळ

शहरांची नावे	चंद्रोदयाची वेळ
मुंबई	रात्रौ ०९ वाजून २५ मिनिटे
ठाणे	रात्रौ ०९ वाजून २४ मिनिटे
पुणे	रात्रौ ०९ वाजून २१ मिनिटे
रत्नागिरी	रात्रौ ०९ वाजून २५ मिनिटे
कोल्हापूर	रात्रौ ०९ वाजून २१ मिनिटे
सातारा	रात्रौ ०९ वाजून २१ मिनिटे
नाशिक	रात्रौ ०९ वाजून २० मिनिटे
अहमदनगर	रात्रौ ०९ वाजून १७ मिनिटे
धुळे	रात्रौ ०९ वाजून २५ मिनिटे
जळगाव	रात्रौ ०९ वाजून १२ मिनिटे
वर्धा	रात्रौ ०८ वाजून ५९ मिनिटे
यवतमाळ	रात्रौ ०९ वाजून ०२ मिनिटे
बीड	रात्रौ ०९ वाजून १३ मिनिटे
सांगली	रात्रौ ०९ वाजून २० मिनिटे
गोंदिया	रात्रौ ०८ वाजून ५७ मिनिटे
सोलापूर	रात्रौ ०९ वाजून १३ मिनिटे
नागपूर	रात्रौ ०८ वाजून ५७ मिनिटे
अमरावती	रात्रौ ०९ वाजून ०३ मिनिटे
अकोला	रात्रौ ०९ वाजून ०६ मिनिटे
औरंगाबाद	रात्रौ ०९ वाजून १४ मिनिटे
भुसावळ	रात्रौ ०९ वाजून १२ मिनिटे
परभणी	रात्रौ ०९ वाजून ०८ मिनिटे
नांदेड	रात्रौ ०९ वाजून ०६ मिनिटे
उस्मानाबाद	रात्रौ ०९ वाजून १२ मिनिटे
भंडारा	रात्रौ ०८ वाजून ५५ मिनिटे
चंद्रपूर	रात्रौ ०८ वाजून ५५ मिनिटे
बुलढाणा	रात्रौ ०९ वाजून १० मिनिटे
जालना	रात्रौ ०९ वाजून ११ मिनिटे
ओझर	रात्रौ ०९ वाजून १९ मिनिटे
लातूर	रात्रौ ०९ वाजून १० मिनिटे
वाशिम	रात्रौ ०९ वाजून ०४ मिनिटे
सिंधुदुर्ग	रात्रौ ०९ वाजून २२ मिनिटे