संकष्ट चतुर्थीः पाहा, तुमच्या शहरातील चंद्रोदय वेळ आणि गणपती स्तोत्र

गणेशाच्या केवळ नावाने चैतन्य, उत्साह आणि सकारात्मकतेचा संचार मनात, शरीरात आणि वातावरणात होतो. बुद्धिदाता, गणांचा अधिपती, सुखकर्ता, दुःखहर्ता, विघ्नहर्ता अशी कितीतरी बिरुदांनी प्रसिद्ध असलेल्या गणेशाची घरोघरी उपासना, नामस्मरण, पूजन केले जाते. प्रत्येक महिन्यात येणाऱ्या संकष्ट चतुर्थीला उपवास करून गणेशाची आराधना करण्याची परंपरा आदिकालापासून सुरू आहे. जाणून घेऊया विविध शहरांतील चंद्रोदय वेळ, व्रतपूजन आणि गणपती स्तोत्र यांविषयी...

रामायण आणि महाभारतातील 'ही' १० साम्ये माहित्येत? जाणून घ्या

गेल्याच आठवड्यात आषाढी एकादशी झाली असून, चातुर्मासातील ही पहिली संकष्ट चतुर्थी आहे. प्रत्येक मराठी महिन्याच्या शुद्ध पक्षात येणारी विनायकी चतुर्थी आणि वद्य पक्षात येणारी संकष्ट चतुर्थी हे गणपतीच्या व्रतोपवासाचे महत्त्वाचे दिवस मानले जातात. गणेशाची शाश्वत भक्ती लाभण्यासाठी संकष्ट चतुर्थीचे व्रत केले जाते. संकष्ट चतुर्थी हे व्रत कोणाही करू शकते. या व्रतात दिवसभर उपवास करावा. उपवासानंतर चंद्रोदय झाल्यावर चंद्राला व गणपतीला महानैवेद्य दाखवावा. त्यानंतरच भोजन करावे. गणपतीचे भक्त, उपासक, साधक हा दिवस विशेष भक्तिभावाने साजरा करतात. चंद्रदर्शन हा या व्रतातील महत्त्वाचा भाग आहे.

नेपाळमधील शेषशायी विष्णूच्या मंदिराचे 'हे' रहस्य माहित्येय? वाचा

संकष्ट चतुर्थीः ०८ जुलै २०२०

संकटनाशन महागणपती स्तोत्र

साष्टांग नमन हे माझें गौरीपुत्रा विनायका। भक्तीनें स्मरतां नित्य। आयु:कामार्थ साधती।।१।।
प्रथम नांव वक्रतुंड दुसरें एकदंत ते। तिसरें कृष्णपिंगाक्ष चवथें गजवक्त्र ते।।२।।
पांचवें श्री लंबोदर सहावें विकट नांव तें। सातवें विघ्नराजेंद्र। आठवें धूम्रवर्ण तें।।३।।
नववें श्रीभालचंद्र दहावें श्रीविनायक। अकरावें गणपति बारावें श्रीगजानन।।४।।
देवनावें अशीं बारा तीन संध्या म्हणो नर। विघ्नभीति नसे त्याला। प्रभो! तूं सर्वसिद्धिद।।५।।
विद्यार्थ्याला मिळे विद्या धनार्थ्याला मिळे धन। पुत्रार्थ्याला मिळे पुत्र मोक्षार्थ्याला मिळे गति।।६।।
जपतां गणपति स्तोत्र सहा मासांत हें फळ। एक वर्ष पूर्ण होतां। मिळे सिद्धि न संशय।।७।।
नारदांनीं रचिलेलें झालें संपूर्ण स्तोत्र हें। श्रीधरानें मराठींत। पठण्या अनुवादिलें।।८।।

श्रीकृष्ण-रुक्मिणी संवाद: दानशूर कर्णाचे नेमके काय चुकले?