Sankashti Chaturthi Vrat September 2020 संकष्ट चतुर्थी : गणपतीसह पार्वती देवीचे पूजन शुभ; पाहा, चंद्रोदय वेळ

अबालवृद्धांपासून सर्वांचा लाडका गणपती बाप्पा अलीकडेच आपला पाहुणचार घेऊन स्वगृही परतला आहे. गणेशाची शाश्वत भक्ती लाभण्यासाठी गणपती उपासक प्रत्येक महिन्यातील संकष्ट चतुर्थीला गणेशाचे व्रत करतात. भाद्रपद महिन्यातील वद्य पक्ष हा पितृपक्ष म्हणून ओळखला जातो. भाद्रपद महिन्यातील संकष्ट चतुर्थी शनिवार, ०५ सप्टेंबर २०२० रोजी आहे. शनिवारी तृतीया आणि चतुर्थी या तिथींचा उत्तम संयोग जुळून येत असल्यामुळे या दिवशी गणपती बाप्पासोबत पार्वती देवीचे पूजन शुभलाभदायक मानले जाते. जाणून घेऊया विविध शहरांतील चंद्रोदय वेळ, व्रतपूजन आणि गणपती आरती...

एकदा तरी दर्शन घ्यावे अशी 'टॉप ५' स्वयंभू गणेशस्थाने; जाणून घ्या

प्रत्येक मराठी महिन्याच्या वद्य पक्षातील चतुर्थीला उपवास करून गणेशाची आराधना करण्याची परंपरा आदिकालापासून सुरू आहे. संकष्ट चतुर्थी हे व्रत कोणालाही करता येते. सकाळी स्नानादी कार्ये उरकल्यानंतर एका चौरंगावर गणपतीची स्थापना करावी. गणपतीची षोडशोपचार पूजा करावी. गोडाचा नैवेद्य दाखावावा. दिवसभर उपास केल्यानंतर चंद्रोदय झाल्यावर चंद्राला व गणपतीला महानैवेद्य दाखवावा. त्यानंतरच भोजन करावे. चंद्रदर्शन हा या व्रतातील महत्त्वाचा भाग आहे.

मानवी मुख असलेला जगातील एकमेव गणपती भारतात नेमका कुठेय? वाचा

संकष्ट चतुर्थी : ०५ सप्टेंबर २०२०

- भाद्रपद वद्य चतुर्थी प्रारंभ ः शनिवार, ०५ सप्टेंबर २०२० रोजी सायंकाळी ४ वाजून ३८ मिनिटे.

- भाद्रपद वद्य चतुर्थी समाप्ती : रविवार, ०६ सप्टेंबर २०२० रोजी सायंकाळी ७ वाजून ०६ मिनिटे.

भारतीय पंचांगानुसार, सूर्योदयाची तिथी मानण्याची प्राचीन परंपरा आपल्याकडे आहे. मात्र, संकष्ट चतुर्थीच्या व्रतात चंद्रोदयाला अधिक महत्त्व असल्यामुळे भाद्रपद वद्य पक्षातील संकष्ट चतुर्थी शनिवार, ०५ सप्टेंबर २०२० रोजी मानण्यात आली आहे.

गणपती बाप्पाला अजिबात पसंत नाहीत 'या' गोष्टी; नुकसान अटळ

पार्वती देवीचे पूजन शुभलाभदायक

प्रत्येक मराठी महिन्यातील तृतीया तिथी पार्वती देवीला समर्पित असते, असे सांगितले जाते. शनिवार, ०५ सप्टेंबर २०२० रोजी तृतीया आणि चतुर्थीचा संयोग जुळून येत आहे. त्यामुळे सायंकाळी गणपती बाप्पाच्या पूजेसह करताना पार्वती देवीचीही पूजा करावी. पार्वती देवी आणि गणपती बाप्पाची पूजा करणे शुभलाभदायक मानले गेले आहे. या पूजनामुळे दोन्ही देवतांचे शुभाशिर्वाद प्राप्त होऊ शकतील, असे सांगितले जाते. तसेच शनिवार असल्यामुळे शनी देवतेच्या पूजनाचा सकारात्मक प्रभाव आपल्यावर पडू शकतो, असे सांगितले जाते.

गणपतीची आरती

वेदशास्त्रांमाजी तूं मंगलमूर्ती। अगणित महिमा तुझा कल्याण स्फूर्ती॥
भक्तांलागी देसी विद्या अभिमत ती। मोरेश्वर नाम तुझे प्रसिद्ध या जगती ॥१॥

जय देव जय देव जय मोरेश्वरा। तुझा न कळे पार शेषा फणिवरा ॥ध्रु०॥

पुळ्यापश्ये नांदे महागणपती। माघ चतुर्थीला जनयात्रे येती।।
जें जें इच्छिति तें तें सर्वही पावती। गणराजा मज बाळा द्यावी अभिमती ॥२॥

॥ जय देव जय देव०॥

एकवीस दुर्वांकुरा नित्ये नेमेसी। आणूनि जे अर्पिती गणराजयासी॥
त्याचे तू भवबंधन देवा चुकविसी। विठ्ठलसुत हा ध्यातो तुझिया चरणासी॥३॥

॥ जय देव जय देव०॥

मुंबईचा सिद्धिविनायक, मंदार वृक्ष आणि स्वामी समर्थांची लीला