गंगाजलाचा वापर
या दिवशी गंगेमध्ये आंघोळीचे विशेष महत्त्व मानले जाते.गंगा स्नान करायला जाऊ शकत नसल्यास घरी आंघोळीच्या पाण्यात गंगाजल घालून स्नान करा आणि नंतर गंगाजल सर्वत्र शिंपडून घर शुद्ध करा. त्यानंतर शिवमंदिरात जा. गंगाजलाने भगवान शिव यांचा अभिषेक करा. हा उपाय केल्याने सर्व अशुभ प्रभाव तुमच्यापासून दूर होतील आणि तुमच्या घरात धन-संपत्ती वाढेल.
मडक्याचा वापर
सर्व प्रयत्न करूनही तुम्हाला नोकरी मिळवण्यात आणि व्यवसाय यशस्वी होण्यात अडचणी येत असतील तर किंवा तुम्ही तुमच्या कामात समाधानी नसाल तर, तुम्ही गंगा दसऱ्याच्या दिवशी मडके दान केले पाहिजे. यासाठी मातीचे भांडे घ्या आणि ते संपूर्ण पाण्याने भरा. त्यानंतर गंगाजलचे काही थेंबही त्यात घाला. पाण्यात थोडी साखर घाला. आता या मडक्यावर झाकण ठेवून ते गरजूंना दान करा. असे केल्याने तुम्हाला कामात यश आणि समाधान दोन्ही मिळेल. तुमच्या घरी पैसे येण्यास सुरवात होईल.
नारळाचा उपाय
जर तुमच्यावर कर्ज असेल आणि तुम्ही ते काही केल्या फेडू शकला नाहीत तर गंगा दसऱ्याच्या दिवशी हा उपाय तुम्हाला कर्जमुक्त करू शकेल. यासाठी तुमच्या लांबीएवढा काळा धागा घ्या व तो नारळावर गुंडाळा. नंतर हा नारळ पूजेमध्ये ठेवा. संध्याकाळी वाहत्या पाण्यात तो विसर्जन करा आणि मागे वळून पाहू नका. हे करत असताना कर्जातून मुक्त होण्यासाठी देवाची प्रार्थना करा.
ज्योतिषी टिप्स : कोणापुढे नतमस्तक होण्याने काय फायदा होतो हे जाणून घ्या
या झाडांची लागवड करा
गंगा दसऱ्याच्या दिवशी तुम्ही डाळिंबाचे झाड लावावे. असे केल्याने तुमच्या घरात पैशाची टंचाई निर्माण होत नाही आणि तुम्हाला देवी लक्ष्मीचा आशीर्वाद प्राप्त होतो. मात्र घराच्या आतमध्ये चुकूनही डाळिंबाचे झाड लावू नका. असे केल्याने फायद्याऐवजी नुकसान होऊ शकते.
व्यवसायाला वाईट नजरेपासून वाचवण्यासाठी
तुमच्या व्यवसायातील भरभराटीला कोणाची नजर लागू नये अशी तुमची इच्छा असल्यास तुम्ही गंगा दसऱ्याच्या दिवशी हा उपाय करावा. या दिवशी तुम्ही पांढरा कोरा कागद घ्यावा. त्यावर लाल पेनने गंगा स्तोत्र लिहा. आता हा कागद व्यवस्थित दुमडून पिंपळाच्या झाडाजवळील मातीमध्ये दफन करावा. हा उपाय व्यवसायावरील सर्व प्रकारचे अशुभ प्रभाव दूर करेल.