धनप्राप्ती व्हावी अशी इच्छा प्रत्येक व्यक्तीच्या मनात असते.पौराणिक काळ असो वा आधुनिक काळ पैश्यांशिवाय कोणतेही काम करणे अशक्य असते.त्यामुळे मानवी जीवनात धनसंपत्तीला अनन्यसाधारण महत्त्व आहे आणि धनप्राप्ती ही केवळ महालक्ष्मीच्या कृपेमुळेच शक्य होऊ शकते. महालक्ष्मीच्या पूजेसाठी शुक्रवारचा दिवस अत्यंत शुभ मानला जातो. यादिवशी पूजा केल्यास महालक्ष्मीची आपल्यावर पूर्ण कृपा होते तसेच धनसंपत्ती व वैभव प्राप्त होते.आज आम्ही आपल्याला सांगणार आहोत शुक्रवारच्या दिवशी महालक्ष्मी मातेला प्रसन्न करून घेण्यासाठीचे काही सोपे उपाय...
शुक्रवारी करून पाहा हा उपाय
महालक्ष्मीच्या कृपेविना धनप्राप्ती होणे अशक्य असते.त्यामुळे लक्ष्मी मातेला प्रसन्न करून घेण्यासाठी शुक्रवारच्या दिवशी महलक्ष्मीची पूजा आणि व्रत करावे.संध्याकाळी गोधुली मुहूर्तावर लक्ष्मी मातेसमोर तीळ आणि तुपाचा दिवा लावावा.हळदीकुंकू लावून पूजा करावी तसेच लक्ष्मी मातेला गुलाबाचे फुल अर्पण करावे.दूध आणि गुळापासून तयार केलेला गोडाचा नैवेद्य दाखवावा.शक्यतो सफेद रंगाची मिठाई नैवेद्यात असावी.या उपायामुळे लक्ष्मी देवी प्रसन्न होते.
गोष्टी लक्षात राहत नसतील तर वास्तूशी संबंधित गोष्टींकडे द्या लक्ष
यंत्र पूजा केल्यास होईल धनप्राप्ती
लक्ष्मी मातेच्या पूजेमध्ये सर्व यंत्रांना विशेष महत्त्व दिले जाते. श्री यंत्र, महालक्ष्मी यंत्र, धन वर्षा यंत्र, व्यापार वृद्धी यंत्र आणि लक्ष्मी कुबेर यंत्र यांची पूजा करून विशेष फलप्राप्ती करून घेता येते. शास्त्रात सांगितल्याप्रमाणे या यंत्रांच्या प्रभावाने तुमच्या धन संपत्तीत वाढ होते तसेच सुखप्राप्तीसुद्धा होते.तुम्हाला शक्य असल्यास आपल्या घरातील ईशान्य कोपऱ्यात किंवा देव्हाऱ्यात ताम्रपत्र,रजतपत्र किंवा भूर्जपत्र यावर श्रीयंत्र बनवून त्याची प्राणप्रतिष्ठा करू शकता.प्राणप्रतिष्ठा केल्यावर या यंत्राची नियमितपणे पूजा करावी.तसेच शुक्रवारी श्रीयंत्राच्या पूजेनंतर दाखवण्यासाठीचा नैवेद्य घरीच तयार करावा.
नशीब तुमच्यावर नाराज असेल तर हे उपाय करा; अडचणी होतील दूर
कुबेर देवतेची करा पूजा
माता लक्ष्मीच्या सोबतीनेच कुबेरालाही धनसंपत्तीची देवता मानले जाते.पौराणिक मान्यतेनुसार पृथ्वीतलावरील सर्व धनसंपत्तीची राखण करण्याचे कार्य कुबेर देव करत असतात. कुबेर देवाला प्रसन्न करून घेतल्यास तुमच्या जीवनात धनप्राप्तीचे अनेक योग तयार होऊ शकतात.त्यामुळे आपल्या घरातील देव्हाऱ्यात कुबेराची मूर्ती किंवा प्रतिमा स्थापित करावी.त्यांची पूजा केल्यास जीवनात आर्थिक लाभ होतो.अशाप्रकारे कुबेर देवाची स्थापना आणि पूजा करणे हादेखील धनसंपत्ती मिळवण्यासाठी एक उत्तम उपाय ठरू शकतो.
या पाच राशींच्या माणसांमध्ये जन्मतःच असतात नेतृत्वगुण
श्रीसूक्त पठण अत्यंत उपयुक्त
धनप्राप्तीच्या उपायांमध्ये श्रीसूक्त पठण हा अत्यंत प्रभावशाली उपाय मानला जातो.ऋग्वेदामध्ये लक्ष्मी मातेच्या कृपा प्राप्तीसाठी श्रीसूक्ताच्या मंगलदायक मंत्रांचा उच्चार करण्याचा उपाय सांगितला गेला आहे.शुक्रवारी महालक्ष्मीची पूजा करतेवेळी श्रीसूक्त पठण करणे अतिशय शुभ मानले जाते.असे केल्यास महालक्ष्मीची कृपा होऊन इच्छित फलप्राप्ती होऊ शकते.
मंदिरात प्रदक्षिणा कशी घालावी? नियम जाणून घ्या...
दानधर्म करणे लाभदायक
आपल्या कमाईपैकी काही भाग दानधर्म करण्यासाठी खर्च करणाऱ्या व्यक्तींवर महालक्ष्मी विशेष प्रसन्न होते. त्यामुळे आपण कमावलेल्या पैश्यांपैकी काही भाग दानधर्मासाठी वापरावा.तसेच काही पैसे परोपकारासाठी व धार्मिक कार्यासाठीदेखील खर्च करावेत. इतरांच्या पैश्यांवर वाईट नजर ठेवू नये. कोणाचीही वस्तू स्वतःजवळ ठेवून न देता ती ज्याची त्याला परत करावी. यामुळे महालक्ष्मी तुमच्यावर प्रसन्न होईल.
सरस्वतीच्या पुजेची प्रक्रिया, सरस्वतीच्या व्रतोपासाकांसाठी नियम