अ‍ॅपशहर

Shanishchari Amavasya 2023: मौनी अमावास्या तिथी मुहूर्त आणि महत्व,पौष मासात २० वर्षानंतर जुळून येतोय हा खास योग

Mauni Amavasya 2023 : शनिवारी अमावस्या तिथी असेल तर त्यास शनैच्छरी अमावस्या म्हणतात. या शनिवारी अमावस्या असून, काही खास योगही जुळून येत आहेत. जाणून घेऊया तिथी, मुहूर्त, महत्व, आणि हे खास योग कोणते आहेत.

Authored byप्रियंका वाणी | महाराष्ट्र टाइम्स.कॉम 20 Jan 2023, 3:19 pm
शनिवारी २१ जानेवारी २०२३ रोजी पौष महिन्यातील अमावस्या आहे. प्रत्येक मराठी महिन्यात अमावास्या येते. मराठी महिन्याच्या वद्य पक्षातील पंधरावी तिथी अमावास्या मानली जाते. कालमापन पद्धतीतील या तिथीनंतर महाराष्ट्र, गुजरात, कर्नाटक राज्यांसह अन्य भागांत नवीन महिना सुरू होतो. ज्यादिवशी पृथ्वीवरून, चंद्राचा प्रकाशित भाग न दिसता अप्रकाशित भाग दिसतो, ती तिथी अमावस्या असते.
महाराष्ट्र टाइम्स.कॉम Shanishchari Amavasya 2023


जेव्हा अमावस्या शनिवारी येते तेव्हा त्या अमावस्येला शनैच्छरी अमावस्या म्हणतात. या वर्षातली पौष महिन्यातील ही पहिली शनिश्चरी अमावस्या आहे. वर्षातली ही एकमेव अमावस्या आहे ज्या दिवशी मौन पाळलं जातं. म्हणून या अमावस्येचं नाव मौनी अमावस्या आहे. यावेळी एक विशेष योगायोग असा आहे की या दर्श अमावस्येला शनी त्याच्या मूळ त्रिभुज राशीत कुंभ राशीत राहील. सूर्योदयापासून ते सूर्यास्तापर्यंतच्या काळात अंशत: चतुर्दशी व अंशत: अमावास्या असेल तर त्या अमावास्येला दर्श अमावास्या म्हणतात.

अमावस्या प्रारंभ आणि समाप्ती

पौष महिन्यातील मौनी अमावस्या शनिवार २१ जानेवारी रोजी सकाळी ६ वाजून २० मिनिटांनी सुरू होणार आहे. दिवसभर राहणार असून रविवारी रात्री २ वाजून २० मिनिटापर्यंत राहील. त्यामुळे शनिवारीच स्नान-दान, पितरांचे श्राद्ध आणि पूजा करणे शुभ राहील.

अमावस्येचा शुभ संयोग शनिवारी क्वचितच घडतो. असा शुभ योग २० वर्षांपूर्वी म्हणजेच १ फेब्रुवारी २००३ रोजी जुळून आला होता. तेव्हा पौष महिन्याची अमावस्या शनिवारी आली होती आणि या दिवशी मौनी अमावस्येचा सण साजरा करण्यात आला होता. आता असा योग चार वर्षांनी म्हणजेच ६ फेब्रुवारी २०२७ रोजी जुळून येईल.

अमावस्येला विशेष योग


या दरम्यान खाप्पर योग, चतुर्ग्रही योग, षडाष्टक योग आणि समसप्तक योग देखील तयार होतील. त्यामुळे यावेळची शनिश्चरी अमावस्या विशेष असेल. या दिवशी पूर्वा आषाढ नक्षत्र, उत्तराषाद नक्षत्र, सर्वार्थ सिद्धी योग, हर्ष योग, ब्रज योग, चतुर पद करण योग देखील अमावस्या तिथीला तयार होत आहेत. यासोबतच चंद्र शनीच्या राशीत मकर राशीत प्रवेश करेल.

स्नान करण्याचे महत्त्व


पौष महिन्यातील अमावास्येला स्नान करण्याचे महत्त्व शास्त्रात सांगितले आहे. पद्म, मत्स्य आणि स्कंद पुराणात अमावस्या तिथीला सण म्हटले आहे. म्हणूनच या दिवशी तीर्थक्षेत्र किंवा पवित्र नद्यांमध्ये स्नान केल्याने सर्व प्रकारचे दोष दूर होतात.
लेखकाबद्दल
प्रियंका वाणी
महाराष्ट्र टाइम्स मध्ये भविष्य सेक्शनसाठी कंन्टेंट रायटर म्हणून २ वर्षापासून काम करत आहे. वैदिक ज्योतिष, आर्थिक भविष्य, राशीभविष्य, अंक ज्योतिष, टॅरो कार्ड, पंचांग, धार्मिक विषय आणि, सण उत्सवासंबंधी अचुक माहिती घेऊन ज्ञान आणि अनुभवानुसार योग्य माहिती वाचकांपर्यंत पोहचवते. इलेक्ट्रॉनिक मीडिया चॅनल मध्ये काम करण्याचा अनुभव आहे, वॉइस ओवर देण्याचाही अनुभव आहे. वाचन करण्याची आवड आहे. धार्मिक, आध्यात्मिक कथा वाचणे आणि स्वरचित कविता लिहीण्याचीही आवड आहे.... आणखी वाचा

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज