मूलांक १: कामाचा ताण वाढेल
ज्या व्यक्तींचा मूलांक एक आहे, त्या व्यक्तींना या आठवड्यात कामाचा ताण अधिक प्रमाणात जाणवेल. गेल्या आठवड्यातील उत्साह या आठवड्यातही कायम राहील. लॉकडाऊनच्या स्थितीमुळे आर्थिक आघाडीवर झालेला परिणाम आपले मन विचलित करू शकतो. विद्यार्थी आणि नोकरदार वर्गाची दिनचर्या हळूहळू पूर्ववत होईल. मात्र, ज्येष्ठ नागरिकांनी या आठवड्यात आरोग्याच्या बाबतीत विशेष काळजी घ्यावी. एखाद्या महत्त्वाच्या कामाची सुरुवात करताना पांढरे वस्त्र परिधान केल्यास फायदा होईल. आरोग्याची काळजी घ्या.
मूलांक २: समस्यांचे निराकरण होईल
ज्या व्यक्तींचा मूलांक दोन आहे, त्या व्यक्तींच्या समस्यांचे निराकरण होण्याचा हा आठवडा आहे. अत्याधिक भावनिक झाल्यामुळे त्याचा परिणाम आपल्या मनावर होण्याची शक्यता आहे. एखादी गोष्ट आपण जास्त मनाला लावून घ्याल. प्रेमात असलेल्या व्यक्तींना आगामी आठवडा उत्तम जाणार आहे. पालकांना आपल्या मुलांची चिंता सतावेल. कुटुंबातील छोट्या-छोट्या कुरबुरींमुळे आणि तर्क-वितर्कांमुळे मानसिक शांतता भंग होईल. याचा परिणाम आपल्या कार्यक्षमतेवर होईल. आरोग्याच्या तक्रारींकडे दुर्लक्ष करू नका.
मूलांक ३: ऊर्जावान आठवडा
ज्या व्यक्तींचा मूलांक तीन आहे, त्या व्यक्तींसाठी हा आठवडा ऊर्जेने परिपूर्ण असा असेल. भविष्याची चिंता आपल्याला सतावेल. मात्र, भविष्याची चिंता सोडून कुटुंबाबरोबर उत्तम वेळ घालवण्यात आपण यशस्वी व्हाल. या आठवड्याच्या सुरुवातीला येणारे काही विचार आपल्याला सकारात्मक ऊर्जा देतील. या नव्या ऊर्जेमुळे आगामी आठवडा उत्तम जाईल. एकाग्र मनाने हाती घेतलेल्या कामांमध्ये लक्ष द्याल. हिरव्या रंगाचे कपडे परिधान केल्यास अधिक सकारात्मकता मिळेल. आरोग्याची काळजी घेणे अधिक हिताचे ठरेल.
मूलांक ४: उत्तम पाठिंबा मिळेल
ज्या व्यक्तींचा मूलांक चार आहे, त्या व्यक्तींना आगामी आठवड्यात उत्तम पाठिंबा मिळेल. आपल्या बुद्धीच्या जोरावर हाती घेतलेल्या कामांमध्ये यश मिळेल. अनेक दिवसांपासून भेडसावत असलेल्या समस्या, अडचणी काही प्रमाणात या आठवड्यात दूर होण्याचे योग आहेत. एखाद्या अनोळखी व्यक्तीचे सहकार्य आपणास समस्यांचे निराकरण करण्यास अत्यंत उपयोगी पडेल. मित्रमंडळी, कुटुंबातील सदस्य यांचा मिळालेला उत्तम पाठिंबा आर्थिक लाभ मिळवून देईल. संसर्ग जन्य रोगांपासून सावध राहा. पथ्यपाणी सोडू नका. आरोग्याची यथोचित काळजी घ्या.
मूलांक ५: पूर्ण विचारांती निर्णय घ्या
ज्या व्यक्तींचा मूलांक पाच आहे, त्या व्यक्तींनी पूर्ण विचार करूनच या सप्ताहात निर्णय घ्यावेत. ग्रहांची उत्तम साथ या आठवड्यात आपणास लाभेल. मात्र, दाम्पत्य जीवनात छोट्या छोट्या कुरबुरी होतील. यामुळे कुटुंबातील वातावरण तणावपूर्ण राहील. आर्थिक आघाडींवरील निर्णय घेताना सारासार विचार करणे अत्यंत आवश्यक राहील. आरोग्याच्या बाबतीत बोलायचे झाले, तर मधुमेह आणि उच्च रक्तदाब असलेल्या व्यक्तींनी पथ्यपाणी, आहार यांकडे विशेषत्वाने लक्ष देणे आवश्यक आहे. पिवळ्या रंगाची वस्त्रे या आठवड्यात सकारात्मकता प्रदान करतील.
मूलांक ६: सकारात्मक आठवडा
ज्या व्यक्तींचा मूलांक सहा आहे, त्या व्यक्तींना आगामी आठवडा सकारात्मक जाणार आहे. गेल्या आठवड्यात आलेली नकारात्मकता दूर होणार आहे. सकारात्मक ऊर्जेमुळे आपल्यातील आत्मविश्वास अधिक वाढीस लागणार आहे. या आत्मविश्वासामुळे घरात बसून अनेक महत्त्वाची कार्ये पूर्णत्वास जातील. प्रेमसंबंधात असलेल्या व्यक्तींनी सावध असावे. विनाकारण उद्भवलेले वाद नात्यात कटुता निर्माण करू शकतात. कुटुंबातील वादात पडू नका. यामुळे विनाकारण मानसिक स्थिती ढासळू शकते. निळ्या रंगांचे कपडे सकारात्मक ऊर्जा देतील. आरोग्याची काळजी घ्या.
मूलांक ७: कार्यक्षमतेवर प्रभाव पडेल
ज्या व्यक्तींचा मूलांक सात आहे, त्या व्यक्तींच्या कार्यक्षमतेवर प्रभाव पाडणारा हा आठवडा आहे. भविष्याची अत्याधिक चिंता आणि मानसिक विकेंद्रीकरण यामुळे आपल्या कार्यक्षमतेवर विशेष प्रभाव या सप्ताहात पडेल. भविष्याची चिंता करण्यापेक्षा वर्तमान स्थितीकडे लक्ष केंद्रीत करणे आवश्यक ठरेल. वर्तमानातील प्राथमिकतांकडे लक्ष द्या. कोणत्याही व्यक्तीच्या प्रभावाखाली येऊन निर्णय घेणे उचित ठरणार नाही. लॉकडाऊनमुळे आपल्यावर अधिक दबाव आहे. पांढऱ्या रंगाची वस्त्रे सकारात्मकता देतील. आरोग्याची काळजी घेणे हितकारक ठरेल.
मूलांक ८: मानसिक शांतता लाभेल
ज्या व्यक्तींचा मूलांक आठ आहे, त्या व्यक्तींना हा आठवडा मानसिक शांतता प्रदान करणारा ठरेल. दूरदृष्टी आणि गंभीर चिंतन यांमुळे भविष्यातील योजनांवर योग्य पद्धतीने काम केले जाईल. लॉकडाऊनमुळे व्यापारी, उद्योजकांना नुकसान होत आहे. अनेक दिवसांनंतर मानसिक शांतता लाभेल. आर्थिक आघाडीवर उत्तम आठवडा जाईल. लाल आणि गुलाबी रंगाचे कपडे परिधान करणे फायदेशीर ठरेल. पथ्यपाणी, औषधे वेळेवर घ्यावीत. आरोग्याच्या तक्रारींकडे दुर्लक्ष करू नका.
मूलांक ९: रागावर नियंत्रण ठेवा
ज्या व्यक्तींचा मूलांक नऊ आहे, त्या व्यक्तींनी आगामी आठवड्यात आपल्या रागावर नियंत्रण ठेवणे हिताचे ठरेल. आपल्या विचारातील स्पष्टता हीच आपल्या व्यक्तिमत्त्वाची ओळख आहे. याच वैचारिक स्पष्टतेमुळे हाती घेतलेले काम येन, केन, प्रकारेन पूर्णत्वास जाईल. आपल्या जिद्दी स्वभावामुळे आपले सहकारी आपल्यावर नाराज होतील. मात्र, ते आपल्याल कायम सहकार्य करत राहतील. रागावर नियंत्रण न ठेवल्यास कुटुंबातील वातावरण गढूळ होईल. लाल आणि पांढऱ्या रंगाचे कपडे परिधान करणे फायदेशीर ठरेल. औषधपाणी, पथ्यपाणी वेळेवर करण्यास टाळाटाळ करू नका. आरोग्याची काळजी घ्या.