घरात सुख शांती राहील आणि शनी दोषही दूर होतील, त्यासाठी करा हे सोपे उपाय

नविन वर्ष सुरू झालं की नविन संकल्प केला जातो. या नविन वर्षाच्या प्रारंभाला तुम्ही देखील काही नविन संकल्प केले असणार, पण गेलेले वर्ष कोरोना आणि अनेक संकटातून गेले आहे. तेव्हा आपल्या घरात सुख शांती राहावी, वैवाहिक जिवनात समाधान लाभावं, आर्थिक अडचण येऊ नये अशी अपेक्षा सर्वांना असेल. तर या वर्षाच्या नविन संकल्पासोबत ही झाडे लावा, यामुळे शनी दोष मुक्त व्हाल आणि आणखी अनेक लाभ होतील.

पिंपळ आणि तुळस : नविन वर्ष सुरू झालं आहे तर एक तरी तुळशीचं किंवा पिंपळाचं झाड आपल्या दारी किंवा आपल्या घरी लावा. तुळशीला धार्मिक महत्व असून, घरात शांतता आणि आनंदी वातावरण राहतं, असं मानलं जातं. सर्व देवी-देवता पिंपळात वास करतात तसेच माता लक्ष्मीचाही पिंपळाच्या पानात वास असतो. यामुळे तुम्हाला वर्षभर आर्थिक समस्यांना सामोरे जावे लागणार नाही.

कमळ आणि अशोकाचं झाड : धार्मिक शास्त्रानुसार असे मानले जाते की देवी लक्ष्मी कमळावर विराजमान असते. त्यामुळे पर्समध्ये कमळाचे दाणे ठेवल्याने तुमच्या पर्समधील पैसा बराच काळ टिकून राहतो. जर घरातील मुलं अभ्यास करत नसतील किंवा हुशार नसतील तर आपण अशोकाचं झाड घरात लावावं.

झेंडूचं आणि शमीचं झाड : झेंडूचं झाड आपल्या घरात अवश्य असावं. या झाडामुळे गुरू बळ वाढतं. तसंच यामुळे वैवाहिक आयुष्य सुंदर होतं आणि अपत्य प्राप्तीही होते. शमी वृक्षाला पूजनीय मानले जाते. शनिदोष दूर करण्यासाठी शमीच्या झाडाचे उपाय केल्याने लाभ होऊ शकतो.

नारळाचं झाड : जर आपल्या घरासमोर अंगण आहे तर आपण त्यात नारळाचं झाड अवश्य लावावं. जर अंगण नसेल तर मोठ्या कुंडीमध्ये आपण हे झाड लावू शकतो. फ्लॅटच्या गॅलरीत आपण नारळाचं कुंडीत लावलेलं झाड ठेवू शकतो. हे खूपच शुभदायक मानलं जातं. नारळाच्या झाडामुळे मान-सन्मान वाढतो.

श्वेतार्क : मुग्दल पुराणानुसार श्वेतार्कला गणपतीचे नैसर्गिक आणि चमत्कारिक स्वरूप मानलं जातं. जो यांची पूजा करतो त्याच्या जीवनामध्ये भौतिक सुख आणि समृद्धी राहते. श्वेतार्कला मदार किंवा ऑक देखील म्हटलं जातं. श्वेतार्क आपल्या घरातील तिजोरी मध्ये ठेवल्यानं तुम्हाला जीवनात कधी धन-दौलतीची कमी होणार नाही. तसंच श्वेतार्क घरातील नकारात्मक ऊर्जा खेचून घराबाहेर टाकतो.