Janmashtami 2022: जन्माष्टमीला बाळकृष्ण होतील प्रसन्न पण 'या' चुका करु नका

Janmashtami 2022: मथुरेत कंसाच्या बंदीशाळेत श्रावण वद्य अष्टमीला रोहिणी नक्षत्रावर श्रीकृष्णाचा जन्म झाला म्हणून याच दिवशी कृष्णजन्माष्टमी साजरी केली जाते. या दिवशी कृष्णाच्या बाल रूपाची पूजा केली जाते. हा दिवस देशातील प्रत्येक मंदिरासाठी खास आहे. या दिवशी देवाला पाळण्यात ठेवलं जातं. परंतु कृष्णाकडून इच्छित फल प्राप्तीसाठी काही गोष्टींकडे आवर्जून लक्ष देणे गरजेचे आहे. या दिवशी कोणत्या चुका करू नये आणि कोणत्या नियमांचे पालन केल्यास भगवान श्रीकृष्ण प्रसन्न होतील जाणून घेऊया.

जन्माष्टमी उपवासाची कोणती तारीख तुमच्यासाठी योग्य, जाणून घ्या मुहूर्त आणि शुभ योग

तुळशीचे पान एक दिवस आधी तोडून ठेवा, जन्माष्टमीला तुळशीची पाने तोडू नका.

पाण्यात गंगाजल मिसळून बाळकृष्णाला स्नान घालावे. या पाण्यात तुळशीची मंजरी मिसळा, ते आणखी चांगले होईल.

देवपूजेत तुळशीचे पान ठेवावे, एक पान कान्हाच्या कपाळावर ठेवावे. प्रत्येक नैवेद्यात एक एक पान ठेवावे. तुळशीच्या पानांशिवाय अर्पण केलेला भोग किंवा नैवेद्य देव स्वीकारत नाही.

अशी नखे असणे चांगले लक्षण नाही, पैसे आणि इतर बाबतीत करावा लागेल अडचणींचा सामना

कधीही कोणाचेही मन दुखवू नये. मात्र जन्माष्टमीच्या दिवशी लक्षात ठेवा कोणाला त्रास होईल असे काहिही करू नका, नाही याची विशेष काळजी घ्या.
गरीब मुलांना अन्न वस्त्र दान करा. त्यांचा अनादर करू नका.

जन्माष्टमीच्या दिवशी दिवसभर पूजा करण्याबरोबरच मध्यरात्री पूजा करायला विसरू नका. या व्रतामध्ये मध्यरात्रीची पूजा सर्वात महत्त्वाची असते.

जन्माष्टमीला तुळशीला लाल कापड अर्पण करून तुपाचा दिवा दाखवावा, ही गोष्ट कधीही विसरता कामा नये. जन्माष्टमीला श्रीकृष्णाची पूजा महालक्ष्मी आणि तुळशीच्या पूजेशिवाय अपूर्ण आहे.

जन्माष्टमीच्या पूजेत लोणी खडीसाखरचा नैवेद्य अवश्य ठेवावा. असे म्हटले जाते की, बाळकृष्णाने लोणी आणि खडीसाखर त्यांच्या जन्मापूर्वीच गोपीकांना स्वप्नात मागितले होते. त्यामुळे कृष्णाच्या जन्माची बातमी ऐकून गोपीका लोणी घेऊन नंदघरी आल्या. त्यामुळे श्रीकृष्णाच्या पूजेत लोणी ठेवायला विसरू नका.

जन्माष्टमीच्या पूजेत पंचामृत ठेवावे, पंचामृतात गंगाजल, गाईचे दूध, तूप, दही, मध मिसळून देवाचा अभिषेक करावा. तो प्रसाद म्हणूनही घ्यावा. असे म्हटले जाते की याने शरीर निरोगी राहते आणि पापांचा नाश होतो.
साप्ताहिक अंक भविष्य १५ ते २१ ऑगस्ट २०२२ : 'या' मूलांकांना वैवाहिक जीवनात राहील तणाव