एवढेच नव्हे, तर आपल्या तळहातावरील रेषा किती मजबूत आहेत, ठळक आहेत, त्यानुसार कोणते योग जुळून येतात, याचीही माहिती या शास्त्राचा अभ्यास करून दिली जाऊ शकते. तळहातावरील जीवनरेषेचे उद्गम गुरु किंवा मंगल पर्वतावरून होतो. काही व्यक्तींची जीवनरेषा दोन्ही पर्वतांच्या मधून उगम पावते. यानंतर शुक्र पर्वताला वळसा घालून मणिबंधापर्यंत पोहोचते. एखाद्या व्यक्तींच्या जीवनरेषेवरून शारीरिक क्षमता, प्रतिकारक क्षमता, जीवन आणि मृत्यूशी संबंधित गोष्टींचा अंदाज बांधला जाऊ शकतो. हातावरील जीवनरेषा काय सांगते? जाणून घेऊया...
'अशी' असते जीवनरेषा
तळहातावरील जीवनरेषा लांब, बारीक, स्पष्ट, सलग अशा स्वरुपाची असते. जीवनरेषा ही सुरुवातीपासून शेवटापर्यंत कुठेही भंग पावलेली असता कामा नये, असे सांगितले जाते. जीवनरेषेवरून संबंधित व्यक्तीचे आयुषमान सांगितले जाऊ शकते. एखाद्या व्यक्तीचे दीर्घायुषी, उत्तम व निरोगी स्वास्थ्य, तंदरुस्ती यांबाबत जीवनरेषेचा अभ्यास करून अंदाज बांधला जातो. जीवनरेषा उत्तम असेल, तर ती व्यक्ती दीर्घायुषी असते आणि निरोगी राहते, असे मानले जाते. जीवनरेषेसंदर्भात अनेक रोचक गोष्टी आणि खास वैशिष्ट्ये सांगितली जातात.
तळहातावरील 'ही' चिन्हे धनलक्ष्मीचे प्रतीक; तुमची हस्तरेषा काय सांगते? वाचा
गुरु पर्वतावरून आरंभ
ज्या व्यक्तींची जीवनरेषा गुरु पर्वतावरून आरंभ होऊन शुक्र पर्वतापर्यंत जाते, त्या व्यक्ती स्वाभिमानी, सद्गुणी, स्वतंत्र विचारसरणीच्या असतात, असे सांगितले जाते. अशा व्यक्तींचे कुटुंबातील सदस्यांपेक्षा भिन्न विचार असतात. कुटुंबातील सदस्यांची मते अशा व्यक्तींना पटतीलच असे नाही. हस्तरेषा शास्त्रानुसार एक लांब, खोल, पातळ जीवनरेषा शुभ असल्याचे मानले जाते. दोन्ही हातातांवरील जीवनरेषा खूपच लहान असेल, तर ती व्यक्ती अल्पायुषी असते, अशी मान्यता असल्याचे सांगितले जाते.
तुमच्या तळहातावर M अक्षरासारखे चिन्ह आहे? वाचा याचा नेमका अर्थ
अर्थगोलाकार जीवनरेषा
काही व्यक्तींच्या तळहातावरील जीवनरेषा हा शुक्र पर्वताला अर्धगोलाकार पद्धतीने वळसा घालते. अशी जीवनरेषा ज्या व्यक्तींच्या तळहातावर असते, त्या व्यक्ती जीवनात यशाचे मोठे टप्पे गाठतात. अशा व्यक्ती अधिक महत्त्वाकांक्षी असतात. उच्च महत्त्वाकांक्षेमुळे अन्य छोटी कामे करायला त्यांना कमीपणा वाटतो. जीवनाच्या यशोशिखरावर पोहोचण्यासाठी त्या अथक मेहनत, कठोर परिश्रम घेतात. अशा व्यक्तींना प्रदीर्घ आयुष्य लाभते. तसेच त्यांचे नातेवाईकही दीर्घायुषी असतात, असे सांगितले जाते.
मंगळ पर्वतावरील जीवनरेषा
ज्या व्यक्तींच्या तळहातावरील जीवनरेषा मंगळ पर्वतावरून जाते, त्या व्यक्तींना आपला मोठेपणा, चांगुलपणा दाखवण्याची सवय असते. अशा व्यक्तींमध्ये नेतृत्वगुण अधिक असतात. अशा व्यक्ती अतिशय लोभी, लालची असतात, असा दावा केला जातो. अशा व्यक्तींच्या जीवनात अनेक चढ-उतार येत असतात. अशा व्यक्तींचे बालपण आजारपणात जाते. अशा व्यक्तींच्या जन्मानंतर कुटुंबाला मोठ्या खर्चाला सामोरे जावे लागू शकते. आरोग्यावर होणारा कौटुंबिक खर्च वाढतो, असे सांगितले जाते.
गुडलक की बॅडलक? वाचा, जन्मखूणा काय सांगतात...
गुरु-मंगळ पर्वतावरून जीवनरेषा
काही व्यक्तींची जीवनरेषा गुरु आणि मंगळ पर्वतावरून प्रारंभ होते. अशा व्यक्तींवर मंगळ आणि गुरु या दोन्ही ग्रहांचा प्रभाव असतो. अशा व्यक्ती कमी वेळेत मोठे यश प्राप्त करतात. या व्यक्तींना पडेल, ते काम करण्याची सवय असते. कोणतेही काम करण्यासाठी त्या संकोच करत नाहीत. अशा व्यक्तींकडे व्यवहारज्ञान अधिक असते. वरवर शांत दिसणारी ही माणसे परिस्थितीनुसार आक्रमकही होतात, असे सांगितले जाते. तसेच काही व्यक्तींच्या तळहातावरील जीवनरेषा भंग पावलेली असते. अशा व्यक्तींचे जीवन आणि आरोग्य अनियमित असते, असे सांगितले जाते.