Oath Taking Ceremony Of Nitish Kumar नितीश कुमार सातव्यांदा बिहारचे मुख्यमंत्री; कार्यकाळ पूर्ण करणार? वाचा

बिहार विधानसभा निवडणुकीच्या निकालांनंतर राष्ट्रीय लोकशाही आघाडीला (एनडीए) स्पष्ट बहुमत मिळाले. नितीश कुमार यांनी सातव्यांदा बिहारचे मुख्यमंत्री म्हणून पद आणि गोपनीयतेची शपथ घेतली. सोमवार, १६ नोव्हेंबर २०२० रोजी दुपारी ०४ वाजून ३० मिनिटांनी नितीश कुमार बिहारच्या मुख्यमंत्रीपदी पुन्हा एकदा विराजमान झाले. एनडीएमध्ये भारतीय जनता पक्षाला सर्वाधिक जागा मिळूनही जनता दल युनायटेडच्या नितीश कुमार यांना विधिमंडळ नेता म्हणून घोषित करण्यात आले. बिहार निवडणूक, निकाल आणि नितीश कुमार यांचा शपथग्रहण सोहळा या एकूणच परिस्थितीचा ज्योतिषीय दृष्टिकोनातून विचार केल्यास अत्यंत रोचक आणि विस्मयकारी संकेत मिळत असल्याचे सांगितले जात आहे. बिहारमधील एकूणच घडामोडींचा ज्योतिषीय दृष्टिने ज्योतिषशास्त्री सचिन मल्होत्रा यांनी घेतलेला हा आढावा...

नितीश कुमार यांचा शपथविधी सोहळा

बिहारचे मुख्यमंत्री म्हणून नितीश कुमार यांनी शपथ घेतली त्यावेळी चंद्र वृश्चिक राशीत विराजमान होता. तर ज्येष्ठा नक्षत्र लागणार होते. ०१ मार्च १९५१ रोजी जन्म असलेल्या नितीश कुमारांच्या कुंडलीतही चंद्र वृश्चिक राशीत आणि नक्षत्र ज्येष्ठा असल्याचे दिसून येते. मुहूर्त शास्त्राच्या प्रमुख ग्रंथातील नोंदीनुसार जन्म राशी आणि जन्म नक्षत्रच्या योगावर शुभ कार्य करणे योग्य मानले गेलेले नाही. याशिवाय सूर्याचे राशीपरिवर्तन म्हणजेच सूर्य संक्रांतचा काळ मुहूर्त शास्त्राच्या दृष्टिने चांगला मानला जात नाही. सोमवार, १६ नोव्हेंबर २०२० रोजी सकाळी सूर्याने वृश्चिक राशीत प्रवेश केला. या घडीला वृश्चिक राशीत सूर्य, चंद्र आणि केतू ग्रहांची युती होत आहे. या ग्रहमानात नितीश कुमार यांनी मुख्यमंत्रीपदाची शपथ घेतली असून, त्यांच्यावर चारही बाजूने दबाव असल्याचे संकेत आहेत, असा दावा केला जात आहे. तसेच शपथविधी सोहळ्याला मेष लग्न उदय होत असल्याने तो परिवर्तनाचा संकेत देत असल्याचे सांगितले जात आहे.


जदयू-भाजपमध्ये वाद वाढणार?

चर लग्न मेष अष्टम स्थानी विराजमान असलेला चंद्र नितीश कुमार यांच्या नेतृत्वाखालील सरकार स्थिर ठेवण्यासाठी शुभ नसल्याचे सांगितले जात आहे. शपथ ग्रहण कुंडलीच्या नवव्या स्थानी असलेला गुरु आणि दशम स्थानी असलेला शनी नितीश कुमार यांना शिक्षण आणि कृषि क्षेत्रात जलदगतीने धोरणात्मक निर्णय घेण्यासाठी पाठिंबा आणि शक्ती प्रदान करतील. मात्र, ग्रहण कुंडलीत लग्नेश मंगळ हानी म्हणजे बाराव्या स्थानी शनीची वक्र दृष्टी पडत आहे. सप्तम स्थानी असलेल्या बुधवरही शनीची वक्र दृष्टी पडत असल्याने नितीश कुमार यांचे वाद वाढवणारी ठरू शकेल. दुसऱ्या स्थानी राहु आणि बाराव्या स्थानी असलेल्या मंगळ ग्रहामुळे पाप-कर्तरी योग जुळून येत आहे. यामुळे मुख्यमंत्री नितीश कुमार यांच्या राजकीय आणि प्रशासकीय वर्चस्वात कमतरता येण्याचे ज्योतिषीय संकेत आहेत. शपथ ग्रहण कुंडलीतील बंधन योग आणि अष्टम चंद्राचा अरिष्टि योग नितीश कुमार सरकार केवळ दोन ते अडीच वर्ष टिकू शकेल, असा दावा ज्योतिषीय संकेतातून केला जात आहे. नितीश कुमार आणि भाजपमधील वाद आगामी वर्षाच्या सुरुवातीपासून प्रकर्षाने दिसून येईल. यामुळे नितीश कुमार तेजस्वी यादव यांच्यासमोर मैत्रीचा हात पुढे करू शकतात, असा दावा ज्योतिषीय आढावा घेतल्यानंतर केला जात आहे.