तसेच होम-हवन करताना वापरल्या जाणाऱ्या अनेकविध गोष्टी या वेगळ्या आणि विशेष असतात. अशा या पूजा साहित्यात वापरल्या जाणाऱ्या गोष्टींचा केवळ धार्मिक नाही, तर आरोग्य आणि दैनंदिन जीवनातील वापरही विशेष मानला जातो. गेले सहा महिने करोना संकटाच्या पार्श्वभूमीवर प्रतिकार शक्ती वाढवण्याविषयी बरीच चर्चा होताना दिसते. त्यामुळे आपल्या पूजा साहित्य वा होम-हवनात वापरल्या जाणाऱ्या काही गोष्टी या रोगप्रतिकार शक्ती वाढवण्यास अत्यंत उपुयक्त असल्याचे सांगितले जाते. नेमक्या कोणत्या ५ गोष्टी प्रतिकार शक्ती वाढवण्यास उपयुक्त ठरू शकतील? जाणून घेऊया...
लवंग
होम-हवन करताना लवंग प्रामुख्याने वापरली जाते. तसेच होम-हवन साहित्यात लवंग ही विशेष मानली जाते. काही मान्यतांनुसार, लवंगशिवाय होम-हवन अपूर्ण मानले जाते. लवंग ही अत्यंत पवित्र आणि गुणकारी असल्याचे म्हटले जाते. शरीरातील प्रतिकार शक्ती वाढण्यासाठी लवंग अत्यंत महत्त्वपूर्ण आणि उपयुक्त मानली जाते. कुटुंबात वारंवार कलह होत असतील, तर लवंगचे उपाय उपयुक्त मानले जातात. कापूर, आंबाच्या दोन ते तीन समिधा आणि ११ लवंगा घ्याव्यात. मात्र, त्या तुटलेल्या असता कामा नयेत. असे साहित्य एकत्र करून तुपासोबत धूप करावा. असा धूप सूर्योदयापूर्वी आणि सूर्यास्तानंतर घरात फिरवावा. यामुळे कुटुंबातील कलह दूर होण्यास मदत मिळू शकते. तसेच याचा आपल्या शरीरावरही सकारात्मक परिणाम होऊ शकतो, असे सांगितले जाते.
४०० वर्षांनी अत्यंत अद्भूत दुर्मीळ योग? प्रमुख ६ ग्रह स्वगृही; वाचा
कापूर
पूजा, होम-हवन यांमध्ये कापूर अविभाज्य मानला गेला आहे. काही घरात दररोज धूप घातला जातो. त्यातही कापूर आवर्जुन वापरला जातो. कापराच्या आरतीमुळे वातावरणात सकारात्मकता निर्माण होते, असे म्हटले जाते. तसेच मन आणि मस्तिष्क यांना शांतता लाभते. इतकेच नव्हे, तर कापराचे वैज्ञानिक महत्त्वही विशेष आहे. कापराच्या नियमित वापरामुळे प्रतिकार शक्ती वाढण्यास मदत होते, असे सांगितले जाते. रात्री झोपण्यापूर्वी एका पितळेच्या भांड्यांत गायीच्या तुपात कापूर मिसळून त्याचा धूप करावा. असे केल्याने वैवाहिक जीवनात सुधारणा घडू शकतात. तसेच दिवसातील तिन्ही प्रहरी कापूर मिश्रित धूप घरात फिरवल्याने पितृदोष दूर होतो, अशी मान्यता असल्याचे सांगितले जाते.
४ हजार वर्षांपासून उपलब्ध तुरटीचे 'हे' उपाय भाग्योदयास उपयुक्त; वाचा
वेलची
ज्योतिषशास्त्रात वेलची ही शुक्र ग्रहाशी निगडीत असल्याचे सांगितले जाते. वैज्ञानिक दृष्टिकोनातून विचार केल्यास वेलची ही शारिरीक प्रतिकार शक्ती वाढवण्यासाठी अत्यंत उपयुक्त मानली जाते. तसेच काही धार्मिक मान्यतांनुसार वेलची महत्त्वपूर्ण असल्याचे सांगितले जाते. नोकरीच्या शोधात असलेल्यांसाठी वेलचीचे उपाय खूप उपयुक्त मानले गेले आहे. पिंपळाच्या झाडाखाली पिंपळाच्या पानावर दोन हिरव्या वेलची आणि पाच प्रकारच्या मिठाई ठेवावेत. मात्र, परतत असताना मागे वळून पाहू नये. सलग तीन गुरुवार हा उपाय करावा, अशी लोकमान्यता असल्याचा दावा केला जातो, असे म्हटले जाते.
आर्थिक विवंचनेतून मुक्ती हवीय? मिठाचे 'हे' उपाय उपयुक्त; वाचा
मध
व्रत-वैकल्ये, सण-उत्सवांवेळी करण्यात येणाऱ्या पूजनात पंचामृत अभिषेक केला जातो. या पंचामृतांपैकी एक असलेला मध अत्यंत उपयुक्त मानला जातो. वैज्ञानिक आणि आरोग्याच्या दृष्टिकोनातून मधाचे खूप उपयोग सांगितले जातात. मधाचे नियमित सेवन अनेक आजारांपासून दूर ठेऊ शकते. प्रतिकार शक्ती वाढायचा मध उपयुक्त ठरतो, असे सांगितले जाते. ज्योतिषशास्त्रानुसार, कुंडलीत मंगळाची समस्या असल्यास मध खाऊ नये. अशा व्यक्तींनी प्रत्येक मंगळवारी महादेव शिवशंकरांना मध अर्पण करावा. गुरु ग्रहाची वक्र दृष्टी असल्यास मध सोन्याच्या किंवा पितळेच्या पात्रात ठेवावा. बेडरूममध्ये काचेच्या बाटलीत मध ठेवल्यास वैवाहिक जीवनात मधुरता येते, अशी लोकमान्यात असल्याचा दावा केला जातो, असे म्हटले जाते.
कोणत्याही मंत्राचा प्रारंभ ॐ ने का करतात? वाचा, 'हे' अद्भूत रहस्य
तूप
पंचामृत अभिषेक करताना मधाप्रमाणे तुपाचाही वापर केला जातो. मात्र, गायीचे तूप अत्यंत उपयुक्त आणि गुणकारी मानले गेले आहे. आरोग्याच्या दृष्टिने तुपाला महत्त्व विशेष महत्त्व आहे. आयुर्वेदातही तुपाचे अनेक फायदे अधोरेखित करण्यात आले आहेत. प्रतिकार शक्ती वाढण्यासही तूप उपयुक्त ठरते, असे सांगितले जाते. तुपाचा दररोज वापर केल्याने अनेक रोगांपासून मुक्तता मिळू शकते, असे म्हटले जाते. धार्मिक मान्यतांनुसार, गायीच्या तुपाचा दिवा दररोज सायंकाळी देवासमोर लावावा. यामध्ये केशराचा वापर केल्यास उत्तम. असेल केल्याने घरात समृद्धता येते. तसेच घरातील वातावरण सकारात्मक होते. नकारात्मकता, निराशा दूर होते. सकारात्मक ऊर्जा वाढीस लागते, अशी मान्यता असल्याचे सांगितले जाते.
पंतप्रधान नरेंद्र मोदींनी अयोध्येत पारिजातकच लावण्यामागील नेमके कारण काय? वाचा
मोदींनी स्तुती केलेल्या 'या' अद्भूत मंदिराची खास वैशिष्ट्ये जाणून घ्या