Palmistry हस्तरेषाशास्त्र : तळहातावर असलेला त्रिकोण या गोष्टींचे संकेत देतो

रेषा, खुणा, बोटांची उंची, नखे या सर्वांचे हस्तरेषाशास्त्रात स्वतःचे स्थान आहे. आज आपण रेषांनी बनलेल्या त्रिकोणाविषयी बोलणार आहोत. तीन बाजूंनी येणार्‍या रेषा तळहातावर एखाद्या ठिकाणी एकत्र आल्यास त्रिकोणाचा आकार तयार होतो. हा त्रिकोण आकाराने लहान किंवा मोठा असू शकतो. वेगवेगळ्या ठिकाणी या त्रिकोणांची उपस्थिती भिन्न परिणाम दर्शवते. चला जाणून घेऊया त्रिकोण असल्‍याचे परिणाम कोठे होतात...

मोठा त्रिकोण

जर तुमच्या हातात एखाद्या ठिकाणी मोठा त्रिकोण तयार झाला तर तो तुमच्या हृदयाच्या विशालतेबद्दल सांगतो. असे लोक अतिशय मृदू स्वभावाचे आणि मोठ्या मनाचे असतात. ते सहसा लोकांना मदत करतात आणि त्या बदल्यात त्यांच्याकडून कसलीही अपेक्षा करत नाहीत.

आरोग्य रेषेवर त्रिकोण चिन्ह

जर एखाद्याच्या आरोग्याच्या रेषेवर त्रिकोणाचे चिन्ह असेल तर त्या व्यक्तीचे आरोग्य चांगले असते. असे लोक आजारी पडले तरी ते लवकर बरे होतात. अशा लोकांना कोणताही आजार जरी असला तरी तो सहसा दीर्घकाळ टिकत नाही. असे लोक त्यांची दिनचर्या पाळतात आणि नेहमी फिट राहतात.

भाग्यरेषेवर त्रिकोण चिन्ह

भाग्य रेषेवरील त्रिकोण चिन्ह असे दर्शवते की, तुम्हाला नशिबाची साथ मिळणार नाही आणि तुमची अनेक कार्ये अपयशी ठरतील. असे लोक अनेकदा त्यांच्या जीवनात धनाची हानी करतात आणि त्यांना कोणत्याही कामात यश मिळत नाही.

चंद्र रेषेवर त्रिकोणी चिन्ह

चंद्र रेषेवर त्रिकोणाचे चिन्ह असल्यास अशा लोकांना परदेश प्रवासात यश मिळते. असे लोक अनेकदा सरकारी खर्चाने किंवा कंपनीच्या वतीने परदेशात जातात. असे लोक बुद्धीमत्तेतही तिक्ष्ण मानले जातात आणि नशिबाचा आशीर्वाद मिळवण्यासाठी बुद्धीचा उपयोग करतात.

मस्तिष्क रेषेवर त्रिकोणाचे चिन्ह

जर एखाद्याच्या हातातील मस्तिष्क रेषेवर त्रिकोणाचे चिंन्ह असेल तर ते सौभाग्याचे सूचक मानले जाते. असे लोक कुशाग्र बुद्धिमत्तेचे मानले जातात आणि ते आपल्या आयुष्यात उच्च शिक्षण घेतात. अशा लोकांना परदेशातूनही व्यवसाय करून यश मिळते. असे लोक अनेकदा पेशाने वकील किंवा अभियंता बनतात.

शुक्र पर्वतावर त्रिकोणाचे चिन्ह

एखाद्याच्या हातातील शुक्र पर्वतावर त्रिकोणाचे चिन्ह असेल, तर असे लोकं रंगेल स्वभावाचे मानले जातात. त्यांच्या चारित्र्यामध्ये कोणतीही कमतरता नसते तरी त्यांच्या मनात आकर्षणाची भावना खूप जास्त असते. असे लोक अभिमानाने आणि उत्कटतेने जगणारे असतात असे मानले जाते. त्यांचे राहणीमानही खूप उंच आहे.

अशा लोकांना दीर्घायुष्य लाभते

जर एखाद्याच्या हाताच्या आयुष्य रेषेवर त्रिकोणी चिन्ह असेल तर अशा लोकांचे आयुष्य खूप मोठे असते. अशा लोकांना दीर्घायुष्य मिळते आणि त्यांना त्यांच्या आयुष्यातील सर्व ध्येय साध्य करण्यात यश मिळते. त्यांचे कौटुंबिक जीवन देखील यशस्वी असते.