तुम्हाला माहित आहे का शिव पूजा करतांना 'हे' नियम खूप महत्वाचे,लक्षात ठेवा

आज सोमवार असून, सोमप्रदोष व्रत आहे. सोमवार म्हणजे महादेवाचा वार असे मानले जाते आणि या दिवशी व्रत केल्याने महादेव प्रसन्न होतात आणि भक्तांच्या इच्छा पूर्ण करतात अशी मान्यता आहे. सोमवारी व्रत करण्याचे तीन प्रकार आहेत. यामध्ये सामान्य प्रति सोमवार, सोम्य प्रदोष आणि सोळा सोमवार यांचा समावेश आहे. तिन्ही उपवासाचे विधी आणि उपासनेचे नियम समान आहेत. सर्व उपवासांमध्ये एकदाच भोजन करावे. परंतु शिव पूजा करतांना काही नियम महत्वाचे असून ते नेहमी लक्षात ठेवणेही तितकेच गरजेचे आहे.

शिव पूजेचे महत्वाचे नियम

शिवाला कधीही तुळस वाहू नये फक्त शालिग्रामावर वाहिलेली तुळस शिवाला चालते.

शिवतीर्थ पिऊ नये. मात्र स्वयंभू बाणलिंगावरील तीर्थ पिण्यास ग्राह्य आहे.

शिवपूजा झाल्यावर निरांजन ओवाळून होताच लगेच वेळ न दवडता नैवेद्य दाखवावा लागतो.

शिवपूजेत केवड्याचा वापर करू नये.

शंखाचे पाणी शिवाला वाहू नये.

शिव पूजेमध्ये दुधाचा जलभिषेक केला जातो. लक्षात ठेवा चुकूनही तांब्याच्या भांड्यात दूध ओतू नका. तांब्याच्या भांड्यात दूध ओतल्याने दूध संक्रमित होते आणि अर्पण करण्या योग्य राहत नाही.

शिवलिंगावर दूध, दही, मध किंवा इतर कोणतीही वस्तू अर्पण केल्यानंतर जल अर्पण करावे तरच जलाभिषेक पूर्ण होतो असे मानले जाते.

शास्त्रानुसार शिवलिंगावर रोली आणि कुंकवाचा टिळा कधीही लावू नये. शिवलिंगावर नेहमी चंदनाचा टिळा लावावा.

भगवान शंकराच्या मंदिरात प्रदक्षिणा करताना हे लक्षात ठेवा की प्रदक्षिणा कधीही पूर्ण करू नका. जेथून दूध वाहते तेथेच थांबवा आणि परत जा. हे शिवपूजेचे महत्वाचे नियम आहेत. असे बरेच नियम शिवपूजेचे आहेत.