वैकुंठ एकादशी: भाविक भगवान व्यंकटेश्वरापुढे नतमस्तक

मुंबई: दरवर्षीप्रमाणे आज (६ जानेवारी) देशभरात विविध ठिकाणी वैकुंठ एकादशी साजरी केली जाते. मुंबईतही गिरगावातील फणसवाडी येथे असलेल्या व्यंकटेश देवस्थान परिसरात वैकुंठ एकादशीनिमित्त भाविक मोठ्या संख्येने भगवान व्यंकटेशाचे दर्शन घेत आहेत. आज पहाटे ५ वाजल्यापासून वैकुंठद्वारापासून भगवान व्यंकटेशासह श्रीदेवी आणि भूदेवी यांची पालखीही काढण्याच येणार आहे.

लखनऊमध्ये देखील बालाजी व्यंकटेश्वर मंदिरात वैकुंठ एकादशीनिमित्त भगवान व्यंकटेश्वराची पालखी निघत आहे. या वेळी वर्षातून केवळ एकदाच उघडले जाणारे वैकुंठ द्वार मंदिर परिसरात उघडले जाणार आहे. त्याच वैकुंठद्वारातून भगवान व्यंकटेश्वराची पालखी निघणार आहे.