म. टा. प्रतिनिधी, नाशिक
धुळे शहरात देशातील पहिले एकदिवसीय अखिल भारतीय विश्वकर्मा साहित्य संमेलन रविवारी (दि. १३) राजर्षी शाहू महाराज नाट्यगृहात होणार आहे. एकूण तीन सत्रात होणाऱ्या या संमेलनात विविध सामाजिक उपक्रमांसह प्रज्ञावंतांना गौरविण्यात येणार आहे.
प्रभू श्री विराट विश्वकर्मा आणि पुराणाची सकाळी साडेसात वाजता पालखी निघेल. विश्वकर्मा मंदिर, कुंभार खुंट, जुने धुळ्यापासून नाट्यगृहापर्यंत पालखीचा मार्ग असेल. गुजरात येथील दिव्यानंद बापूंच्या हस्ते ध्वजारोहन आणि चंद्रपूर येथील ज्येष्ठ साहित्यिक डॉ. चक्रपाणी चोपावर यांच्या हस्ते उद्घाटन होईल. ज्येष्ठ परिवर्तनवादी साहित्यिक प्रा. डॉ. प्रल्हाद लुलेकर हे संमेलनाचे अध्यक्ष, तर पराग आहिरे स्वागताध्यक्ष असतील. प्राचार्य डॉ. कृष्णा पोतदार, प्रा. डॉ. प्रकाश लोहार, कलाध्यापक यल्लारी सुतार, आचार्य गोविंद पांचाळ, केदारनाथ धिमान, अशोक थोरहाते, सुभाष आहिरे, प्रमिला आहिरे, गोव्याचे विवेक चारी, गुजरातचे मयूर मेस्री आदी मान्यवरांची उपस्थिती असेल. याच संमेलनात प्रवर्तक व साहित्यिक सुभाष आहिरे यांच्या 'रहस्य नागोजी सुताराचे' व 'दगडी जात्याचे अतूट नाते' या दोन पुस्तकाचे प्रकाशन मान्यवरांच्या हस्ते होईल. गोवा, कर्नाटक, गुजरातसह महाराष्ट्रातील विविध ठिकाणचे विश्वकर्मा वंशीय समाजबांधव उपस्थित राहणार आहेत.
...
विश्वकर्मा पुत्रांचा सन्मान
संमेलनात विश्वकर्मांच्या पाच पुत्रांचा सन्मान केला जाणार आहे. यात मनू पुत्र म्हणून डॉ. पापालाल पवार, मय पुत्र म्हणून डॉ. चंद्रकांत मोरे, त्वष्टा पुत्र म्हणून भारत रेघाटे, शिल्पी पुत्र म्हणून वसंत आंबेकर, दैवज्ञ पुत्र म्हणून जगदीश देवपूरकर यांना गौरविले जाणार आहे. यानंतर विश्वकर्मा साहित्य पुरस्कार, विश्वकर्मा पत्रकारिता पुरस्कार, कीर्तनकार व लेखकांना सन्मानित केले जाईल. यावेळी गाडी लोहार समाज विकास मंडळ, विश्वकर्मा युवा मंच, अखिल भारतीय तांबट जनशक्ती प्रतिष्ठान, विश्वकर्मा वंशीय समाज संघटन, विश्वकर्मा समाज धुळे जिल्हा या पाच संस्थांच्या वतीने संमेलनाचे प्रमुख व साहित्यिक सुभाष आहिरे यांचा विश्वकर्मा साहित्यरत्न पुरस्कार देऊन सत्कार केला जाणार आहे.
धुळे शहरात देशातील पहिले एकदिवसीय अखिल भारतीय विश्वकर्मा साहित्य संमेलन रविवारी (दि. १३) राजर्षी शाहू महाराज नाट्यगृहात होणार आहे. एकूण तीन सत्रात होणाऱ्या या संमेलनात विविध सामाजिक उपक्रमांसह प्रज्ञावंतांना गौरविण्यात येणार आहे.
प्रभू श्री विराट विश्वकर्मा आणि पुराणाची सकाळी साडेसात वाजता पालखी निघेल. विश्वकर्मा मंदिर, कुंभार खुंट, जुने धुळ्यापासून नाट्यगृहापर्यंत पालखीचा मार्ग असेल. गुजरात येथील दिव्यानंद बापूंच्या हस्ते ध्वजारोहन आणि चंद्रपूर येथील ज्येष्ठ साहित्यिक डॉ. चक्रपाणी चोपावर यांच्या हस्ते उद्घाटन होईल. ज्येष्ठ परिवर्तनवादी साहित्यिक प्रा. डॉ. प्रल्हाद लुलेकर हे संमेलनाचे अध्यक्ष, तर पराग आहिरे स्वागताध्यक्ष असतील. प्राचार्य डॉ. कृष्णा पोतदार, प्रा. डॉ. प्रकाश लोहार, कलाध्यापक यल्लारी सुतार, आचार्य गोविंद पांचाळ, केदारनाथ धिमान, अशोक थोरहाते, सुभाष आहिरे, प्रमिला आहिरे, गोव्याचे विवेक चारी, गुजरातचे मयूर मेस्री आदी मान्यवरांची उपस्थिती असेल. याच संमेलनात प्रवर्तक व साहित्यिक सुभाष आहिरे यांच्या 'रहस्य नागोजी सुताराचे' व 'दगडी जात्याचे अतूट नाते' या दोन पुस्तकाचे प्रकाशन मान्यवरांच्या हस्ते होईल. गोवा, कर्नाटक, गुजरातसह महाराष्ट्रातील विविध ठिकाणचे विश्वकर्मा वंशीय समाजबांधव उपस्थित राहणार आहेत.
...
विश्वकर्मा पुत्रांचा सन्मान
संमेलनात विश्वकर्मांच्या पाच पुत्रांचा सन्मान केला जाणार आहे. यात मनू पुत्र म्हणून डॉ. पापालाल पवार, मय पुत्र म्हणून डॉ. चंद्रकांत मोरे, त्वष्टा पुत्र म्हणून भारत रेघाटे, शिल्पी पुत्र म्हणून वसंत आंबेकर, दैवज्ञ पुत्र म्हणून जगदीश देवपूरकर यांना गौरविले जाणार आहे. यानंतर विश्वकर्मा साहित्य पुरस्कार, विश्वकर्मा पत्रकारिता पुरस्कार, कीर्तनकार व लेखकांना सन्मानित केले जाईल. यावेळी गाडी लोहार समाज विकास मंडळ, विश्वकर्मा युवा मंच, अखिल भारतीय तांबट जनशक्ती प्रतिष्ठान, विश्वकर्मा वंशीय समाज संघटन, विश्वकर्मा समाज धुळे जिल्हा या पाच संस्थांच्या वतीने संमेलनाचे प्रमुख व साहित्यिक सुभाष आहिरे यांचा विश्वकर्मा साहित्यरत्न पुरस्कार देऊन सत्कार केला जाणार आहे.