Vastushastra : घरात या ठिकाणी आरसा लावला,तर होईल धन वृद्धी

घरात किंवा बाथरूम मध्ये आरसा नेहमी पूर्व किंवा उत्तर दिशेच्या भिंतीवर लावावा. बाथरूम च्या दरवाजाच्या अगदी समोर आरसा लावल्यास अशुभ प्रभाव वाढतात, असे मानले जाते. त्यामुळे आरसा योग्य दिशेला असावा याची दक्षता घ्यावी.

आरसा जितका स्वच्छ, हलका तसेच मोठ्या आकाराचा असेल तितके लाभदायक असते. असे म्हणतात की यामुळे तुमच्या व्यापारात वृद्धी होईल आणि कर्जाचा बोझा राहणार नाही. आरसा घेतांना चेहरा साफ स्पष्ट आणि वास्तविक दिसेल याची काळजी घ्यावी, अस्पष्ट आणि विकृत चेहरा दिसत असेल तर असा आरसा अशुभ प्रभाव पाडणारा ठरतो.

जर तुम्ही झोपता त्या ठिकाणी तुमच्या पलंगासमोर एखादा आरसा असेल तर लगेच काढून टाका, कारण हा आरसा तुमच्या वैवाहिक जीवनात अडथळे निर्माण करू शकतो. विशेष म्हणजे आरसा तुटलेला ,फुटलेला, टोकदार, भेगा पडलेला, वाकडा तिकडा असा नसावा याची खास खबरदारी घ्यावी.

जर आरसा तुमच्या तिजोरी समोर लावला असेल तर हे खूप शुभ असून, यामुळे धन वृद्धी होण्याची शक्यता असते. तसेच आपण झोपतो त्या खोलीत जर आरसा लावायचा असेल तर पूर्व दिशेच्या भिंतीवरच लावणे योग्य ठरेल.